Kanz al-Ummal: Hadith 35411

35402 ۔۔۔ واثلة بن الاسقع سے مروی ہے فرماتے ہیں کہ صفہ کے بیس محافظین میں سے ایک میں بھی تھا اور ہمیں بھوک ستارہی تھی اور پوری جماعت میں کم عمر تھا تو مجھے ساتھیوں نے نبی (صلی اللہ علیہ وآلہ وسلم) کے پاس اس حالت کی شکایت کے بھیجا تو آپ (صلی اللہ علیہ وآلہ وسلم) اپنے گھر تشریف لے گئے اور پوچھا کہ کھانے کی کوئی چیز ہے انھوں نے ہاں اے اللہ کے نبی یہاں تھوڑے سی روٹی اور کچھ دودھ ہے آپ (صلی اللہ علیہ وآلہ وسلم) نے فرمایا کہ اے میرے پاس لے آؤ تو وہ آپ کی خدمت میں پیش کردیا گیا تو آپ (صلی اللہ علیہ وآلہ وسلم) نے روٹی کے ٹکڑے کو ریزہ ریزہ کردیا پھر اس پر دودھ کو انڈیل دیا پھر اس کو اپنے دست مبارک سے ملتے رہے یہاں تک کہ اسے مکھن کی طرح کردیا اور میں کھڑا آپ (صلی اللہ علیہ وآلہ وسلم) کو دیکھتا رہا پھر مجھ سے فرمایا اے واثلہ میرے پاس اپنے ساتھیوں میں سے دس کو لے آؤ اور باقی دس مقررہ دیکھ کی جگہ پر رہیں تو مجھے دودھ کی قلت کی وجہ سے اس پر تعجب ہواپھر میں حفاظت گاہ آیا اور دس ساتھیوں کو میں نے بلایا تو آپ (صلی اللہ علیہ وآلہ وسلم) نے انھیں اس کھانے پر بٹھا دیا پھر ثرید (کے برتن) کا ایک سرا اپنے ہاتھ سے پکڑا پھر فرمایا شروع کرو اور ایک روایت میں ہے کہ کھاؤ اللہ کا نام لے کر اطراف اور کناروں سے اور اس کی درمیان سے درگزر کرو اس لیے کہ برکت اس میں اس کے اوہر سے آتی ہے آور بیشک یہ کھانا بڑھتا ہے راوی کہتا ہے کہ میں دیکھا اپنے ساتھیوں کو کہ وہ کھا رہے اور اپنی انگلیوں کو چاٹ رہے ہیں یہاں تک وہ سب خوب تن کر سیر ہوگئے اور ثیر میرے خیال میں اب بھی اتنا ہی تھا اور آپ (صلی اللہ علیہ وآلہ وسلم) نے فرمایا کہ اب اللہ کا نام لے کر اپنے حفاظت گاہوں کو جاؤ اور اپنے ساتھیوں کو بھیجو تو وہ چلے گئے آور میں اپنی آنکھوں سے دیکھے اس معاملہ ہر حڑیت کرتے ہوتے کھڑا تھا اور آپ (صلی اللہ علیہ وآلہ وسلم) دوسرے دس اصحاب کی طرف متوجہ ہوتے اور انھیں کہتے وہی فرمایا جو ان کے سابقہ ساتھیوں سے فرمایا تھا اور ان سے بھی وہی باتیں فرمائیں جو ان کے ساتھیوں سے فرمائیں تھیں سو ان سب نے بھی خوبسیر ہو کر کھایا یہاں تک سب فارغ ہوگئے اور اب بھی برتن میں کچھ ثرید بچی ہوئی تھی۔ ( ابن عساکر وابن النحار)