Kanz al-Ummal: Hadith 35452

35443 ۔۔۔ حضرت علی (رض) سے روایت ہے کہ ایک یہودی تھا جس کا نام جریجر تھا اس کے حضور کے اوپر کچھ دینار کا قرضہ تھا تو اس نے حضور سے مطالبہ کیا حضور نے فرمایا کہ میرے پاس دینے کو کچھ نہیں ہے اس پر یہودی نے کہا کہ میں آپ سے اس وقت تک الگ نہیں ہوں گا جب تک آپ مجھے ادائیگی نہ کردیں اس پر حضور نے فرمایا : ٹھیک ہے میں آپ کے پاس بیٹھا رہوں گا پھر بیٹھے رہے اور ظہر ، عصر مغرب ، عشاء اور دوسری صبح کی نماز بھی اس کے ہاں پڑھی دوسری طرف بعض صحابہ (رض) نے فرمایا کہ ایک یہودی آپ کو حبس میں رکھے یہ کیسا ہوسکتا ہے ؟ حضور نے جواب میں فرمایا میرے رب نے مجھے اس سے روکا ہے کہ میں کسی معاہدہ (ذمی) یا کسی اور پر ظلم کروں جب دوسرا دن طلوع ہوا تو یہودی نے کہا : اشھد ان لاالہ الا اللہ واشھدان محمد عبدہ ورسولہ (میں گواہی دیتاہوں کہ اللہ ایک ہی ہے اور مجھ اللہ کے بندے اور رسول ہیں ) یہ بھی کہا کہ میرے حال کا آدھا اللہ کے راستے میں صدقہ ہے اللہ کی قسم میں نے یہ جو کچھ کیا محض اس لیے کیا کہ میں یہ تصدیق کرسکوں کہ آپ میں توراۃ والی صفات موجود ہیں جو کہ کچھ یوں ہیں محمد بنعبداللہ مکہ میں پیداہوں گے اور طیبہ (مدینہ ) ان کی ہجرت کی جگہ ہوگی اس کی بادشاہی شام تک جائے گی نہ بدرزبان ہوگا اور نہ سخت دل نہ بازاروں میں شور مچانے والا نہ فحش باتوں میں ملعوث ہوگا لہٰذا میں گواہی دیتاہوں کہ اللہ ایک ہی ہے اور آپ کے ان کے رسول ہیں ، یہ میرا حال ہے اس میں آپ اپنی مرضی کا فیصلہ کرلیجئے (راوی کہتا ہے) یہ یہودی بہت مالدار بھی تھا۔ (بیہقی فی الدلائل ابن عساکر علامہ ابن حجر نے اطراف میں فرمایا ہے کہ اس حدیث پر کوئی کلام نہیں اور اس کی سند میں ابوعلی محمد بن محمد الاشعت الکوفی ہے جس کی ایک جماعت نے تکذیب کی ہے)