Kanz al-Ummal: Hadith 35453

35444 ۔۔۔ ابومحمد حسن بن احمدمخلدی فرماتے ہیں ہمیں حدیث بیان کی ۔ ابوالعباس محمد ابن اسحاق السراج نے وہ کہتے ہیں ہمیں حدیث بیان کیا قتیبہ بن سعید نے وہ کہتے ہیں ہمیں حدیث بیان کیا ابوہاشم کثیر بن عبداللہ اریلی سے وہ فرماتے ہیں میں نے حضرت انس (رض) سے سنا کہ معاویہ بن قرة کے سامنے یہ حدیث سنا رہے تھے حضور (صلی اللہ علیہ وآلہ وسلم) مدینہ آئے جب کہ میں آٹھ سال کا بچہ تھا میرا والد فوت ہوگیا تھا اور میری والدہ نے ابوطلحہ کے ساتھ نکاح کیا تھا جب کہ ابوطلحہ اس وقت میں بہت فقر تھے بسا اوقات ہم ایک دو راتیں ایسا بھی گذارا کرتے تھے کہ رات کا کھانا نہیں ملتا تھا ایک مرتبہ ہمیں ایک مٹھی جو ملی میں نے اسے پیس کر آٹا بناکر دوروٹیاں بنائیں اور والدہ کی ایک انصاری پڑوسی سے کچھ دودھ مانگا جس کو میں نے ان روٹیوں کے اوپر ڈال دیا والدہ نے کہا جاؤ ابوطلحہ کو بھی بلاؤ اور دونوں مل کر کھاؤ میں نکلا اور خوشی سے دوڑ رہا تھا کہ اب ہم مل کر یہ چیز کھائیں گے اچانک میری ملاقات حضور (صلی اللہ علیہ وآلہ وسلم) سے ہوئی جو چند صحابہ کرام (رض) کے ساتھ تشریف فرما تھے میں حضور کے قریب گیا اور کہا کہ میری والد آپ کو بلارہی ہے حضور اٹھے اور صحابہ کرام (رض) کے ساتھ تشریف فرما تھے میں حضور کے قریب گیا اور کہا کہ میری والدہ آپ کو بلارہی ہے حضور اٹھے اور صحابہ کرام (رض) سے فرمایا اٹھوچلتے چلتے ہمارے گھر کے قریب پہنچ گئے توابوطلحہ سے کہنے لگے کہ کیا آپ نے کوئی کھانا تیار کیا ہے جو ہمیں آپ نے بلایا ہے ابوطلحہ نے جواب میں عرض کیا کہ اس ذات کی قسم جس نے آپ کو حق رسول بناکر بھیجا ہے کہ میری منہ میں کل سے کوئی نوالہ نہیں اترا ہے اس پر حور نے فرمایا کہ پھر ام سلیم نے کیوں ہمیں بلایا ہے جاکر دیکھ لو اور جائزہ لوحضرت ابوطلحہ اندر گئے اور پوچھا : ام سلیم آپ نے حضور کو کس مقصد کے لیے بلایا ہے ؟ ام سلیم نے جواب دیا کچھ اور یہیں صرف اتنی بات بھی کہ میں نے جو کی دوروٹیاں بنائی تھیں اور اپنی انصار ی پڑوسن سے کچھ دودھ مانگ کر اس پر ڈال دیا تھا میں نے اپنے بیٹے سے کہا کہ جا ابوطلحہ کو بلالاؤ اور دونوں مل کر کھاؤ ۔ حضرت ابوطلحہ نکلے اور حضور کو یہ سارا ماجرا سنایا ۔ حضور نے فرمایا انس ہمیں اندر لے جاؤ تو حضور اندر گئے میں اور ابوطلحہ بھی اندر گئے حضور نے فرمایا ام سلیم اپنی روٹیاں لدؤ وہ لائی اور حضور کے سامنے رکھ دیں حضور نے اپنے ہاتھ مبارک روٹیوں کے اوپر پھیلا کر رکھ دی اور انگلیاں ملائی پھر فرمایا : ابوطلحہ جا اور دس صحابہ کو بلاؤ انھوں نے دس صحابہ کو بلایا حضور نے فرمایا : بیٹھ جاؤ اور اللہ کا نام لے کر میری انگلیوں کے درمیان سے کھانا شروع کرو وہ بیٹھ گئے اور اللہ کا نام لے کر حضور کی انگلیوں کے درمیان سے کھانا شروع کیا اور سیر ہو کر کہا کہ بس ہم سیر ہوگئے حضور نے فرمایا اب تم جاؤ پھر ابوطلحہ سے فرمایا دس اور کو بلالدخ اس طرح وہ ہر بار میں دس دس کو بلاتا رہا حتی کہ تہتر 73 آدمیوں نے سیر ہو کر کھایا پھر فرمایا اے ابوطلحہ اور انس تم آجاؤ تو حضور نے اور ابوطلحہ اور میں نے مل کر کھایا ہم بھی سیر ہوگئے پھر حضور نے وہ اور روٹیاں اٹھوائیں اور فرمایا ام سلیم خود بھی کھاؤ اور جسے مرضی ہو اس کو بھی کھلاؤ جب ام سلیم نے یہ صورت حال دیکھی تو اس پر ایک رعب طاری ہوا یعنی تعجب کی وجہ سے ۔ (حافظ ابن حجر نے عشاریات میں اس حدیث کی روایت کی ہے اور فرمایا ہے کہ یہ حدیث حضرت انس کے خالہ سے مشہور ہے لیکن غریب ہے او کثیر بن عبداللہ راوی کی وجہ سے اس سند میں کمزوری ہے لیکن دوسری طرف یہ راوی (کثیر ) اس میں اکیلا نہیں ہے اسحاق بن عبداللہ بن ابی طلحہ بیٹھی اس کا ساتھ دیا ہے امام بخاری نے بھی اس حدیث کی تخریج کی ہے)