Kanz al-Ummal: Hadith 35455

35446 ۔۔۔ (مسندابی ) جب مسجد نبوی (صلی اللہ علیہ وآلہ وسلم) جب کھجور کی ٹہنیوں کی بنی ہوئی تھی اس وقت آپ (صلی اللہ علیہ وآلہ وسلم) ایک تنہ کے پاس کھڑے ہو کر نماز پڑھتے تھے اور خطبہ بھی دیتے تھے صحابہ کرام (رض) میں سے ایک شخص نے کہا کیا ہم آپ کے لیے کوئی ایسی چیز وبنا دیں جس پر آپ کھڑے ہو کر جمعہ کے دن خطبہ دیاکریں اور لوگ آپ کو دیکھ سکیں آپ ان کو اپنا خطبہ سنائیں آپ (صلی اللہ علیہ وآلہ وسلم) نے ہاں فرمایا تومنبر کے تین درجات بنادئیے جب منبر پر تیار ہوگیا تو اس جگہ رکھ دیا گیا جہاں منبر تھا جب آپ (صلی اللہ علیہ وآلہ وسلم) نے اس پر کھڑے ہونے کا ارادہ کیا تو اس تنہ کے پاس سے گذر جس پر کھڑے ہو کر خطبہ دیا کرتے تھے جب آگے پڑھ گئے تو تنہ نے چیخ ماری اور پھٹ گیا رسول اللہ (صلی اللہ علیہ وآلہ وسلم) نے جب اس کی آواز سنی تو منبر سے اتر کر اپنا دست مبارک اس پر پھیرا یہاں تک اس کو سکون آگیا پھر واپس منبر پر آگئے جب آپ نماز پڑھتے تو اس کے قریب جاکر نماز پڑھتے ۔ (الشافعی داری ابن ماجہ ، بختیلی بسعید بن منصور عبداللہ بن احمد بن اور اضافہ کیا کہ رسول اللہ (صلی اللہ علیہ وآلہ وسلم) نے فرمایا : کہ اگر توچا ہے تو تجھے جنت میں لادیا جائے تاکہ صالحین تیرا پھل کھائے اگر چاہو تو تمہیں دوبارہ تازہ درخت بنادیا جائے تو تنہ نے آخرت نے درخت بننے کو ترجیح دی۔