Kanz al-Ummal: Hadith 35732

35723 ۔۔۔ عائشہ (رض) سے روایت ہے کہ جب ابوبکر (رض) کی بیماری بڑھ گئی میں اس پر روئی ان پر بیہوشی طاری ہوئی تو میں نے کہا۔ من لا یزال دمعہ مقنعا فانہ من دفعہ مدفوف جس کا آنسو نہ تھمے قناعت کرے تو اس کے دور کرنے سے تھم جائے گا پھر ان کو افاقہ ہوا تو فرمایا اے بیٹی بات ایسی نہیں جیسے تم نے کہا : لکن جاءت سکرة الموت بالحق ذلک ماکنت منہ تحید پوچھا رسول اللہ (صلی اللہ علیہ وآلہ وسلم) نے کس دن وفات پائی بتایا پیر کے دن پوچگا آج کونسا دن ہے بتایا پیر کا دن فرمایا مجھے اللہ کی ذات سے امید ہے کہ میرے اور اللہ سے ملاقات کے درمیان ایک ہی رات حائل ہے تو منگل کی رات کو انتقال فرمایا پوچھا گیا کہ رسول اللہ (صلی اللہ علیہ وآلہ وسلم) کو کتنے کپڑوں میں کفن دیا گیا میں نے کہا تین معمولی کپڑوں میں جو نئے سفید رنگ کے تھے اس میں قمیص عمامہ نہیں تھا پھر فرمایا میرے کپڑے کو دھولو اس میں زعفرانی رنگ لگا ہوا ہے اس کے ساتھ دو نئے کپڑے اور ملالو میں نے کہا یہ کپڑا پرانا ہے تو فرمایا زندہ لوگ نیا کپڑا پہننے کے مردوں سے زیادہ حقدار ہیں یہ کفن تو پیٹ لہو کے لیے ہے (ابویعلی و ابونعیم والد غولی ، بیہقی اور مالک نے تکفین کا قصہ بھی نقل کیا ہے)