Kanz al-Ummal: Hadith 35741

35732 ۔۔۔ ابوبکر بن حفص بن عمر (رض) سے روایت کرتے ہیں کہ حضرت عائشہ (رض) ابوبکر (رض) کے پاس آئیں وہ اے ہچکیاں لے رہے تھے ۔ جیسے مردلیتے ہیں ان کا سرمیری گود میں تھا میں نے یہ شعرپڑھا : لعمر ک مایغنی الثراء عن الفتی اذا حشر جت بوما وضاق بھا الصدر تیری زندگی کی قسم جوان کو مال فائدہ نہیں دیتاجب کسی دن ان پر غرغرہ کا وقت آجائے اور ان کا سینہ تنگ ہونے لگے تو ابوبکر (رض) نے غصہ سے میری طرف دیکھا ایسا نہیں ہے اے ام المومنین ! ولکن جاءت سکرة الموت بالحق یعنی آئی اور موت کی بیہوشی تحقیق جس سے تو ملتا رہتا ہے میں نے تمہیں ایک باغ ھبہ کیا تھا مجھے اس سے دل میں کچھ اضطراب ہے اس لیے اس کو میری میراث میں شامل کردیں میں نے کہا ہاں اس کو میں نے واپس کردیا جب ہم مسلمانوں کے امور کے ذمہ دار ہوئے ہم نے ان کا کوئی درھم و دینار نہیں کھایا ہم اپنے پیٹ میں ان کا بچاہوا کھانا ہی ڈالا ہے اور کھردرالباس پہنا اپنے جسم پر ہمارے پاس مسلمانوں کی غنیمت میں سوائے اس حبش غلام اور پانی لانے کے اونٹ اور بھئی ہوئی چادر کے کوئی چھوٹی بڑی چیز نہیں ہے جب میرا انتقال ہوجائے ان کی عمر (رض) کے پاس بھیج کر مجھے بری کردینا میں نے ایسا ہی کیا جب قاصد سامان لے کر عمر (رض) کے پاس پہنچا تو وہ روپڑے حتی کہ ان کے آنسوزمین پر بہنے لگے اور کہنے لگے اللہ تعالیٰ ابوبکر (رض) پر رحم فرمائے انھوں نے اپنے بعد کے خلفاء کو تھکا دیا اللہ تعالیٰ ابوبکر پر رحم فرمائے انھوں نے تو اپنے بعد کے خلفاء کو تھکا دیا پھر فرمایا اے غلام انکواٹھالو عبدالرحمن بن عوف (رض) نے سبحان اللہ کہا آپ ابوبکر کے گھر والوں کا ایک حبشی غلام اور پانی لانے کے لیے اونٹ ایک پرانی چادر جس کی قیمت پانچ درہم ہیں لیتے ہو پوچھا آپ کا کیا حکم ہے فرمایا ان کو واپس کردیں ابوبکر کے گھروالوں کو تو عمر (رض) نے فرمایا قسم ہے اس ذات کی جس نے محمد کو حق دے کر بھیجا ایسانہ ہوگا یا ایسا ہی کوئی قسم کھا کر کہا میری سلطنت میں ایسا ہرگز نہ ہوگا ابوبکر (رض) موت کے وقت انھیں نکالیں میں ان کے گھروالوں پر ان کو واپس کروں موت اس سے زیادہ قریب ہے۔ (ابن سعد)