Kanz al-Ummal: Hadith 35747

35738 ۔۔۔ عمر وبن یحییٰ الزرقی سے روایت ہے کہ ابوبکر (رض) نے طلحہ بن عبید اللہ کو ایک زمین بطور جاگیر عطا فرمائی اور اس کے لیے ایک تحریر لکھدی اور کچھ لوگوں کو گواہ بنایا ان میں عمر (رض) کا نام بھی تھا تو طلحہ (رض) تحریر لے کر عمر (رض) کے پاس آئے اور عرض کیا اس پر مہرلگادیں تو عمر (رض) نے فرمایا مہر نہیں لگاؤنگا کیا یہ پوری زمین تمہاری ہوگی اوروں کا اس میں کوئی حصہ نہیں تو طلحہ (رض) ناراض ہو کر ابوبکر (رض) کے پاس واپس گئے اور کہا اللہ کی قسم معلوم نہیں خلیفہ آپ ہیں یا عمر (رض) ہیں تو ابوبکر (رض) نے فرمایا بلکہ عمر (رض) ہی خلیفہ ہیں لیکن انھوں نے خلافت قبول کرنے سے انکار کیا۔ (ابوعبیدفی الاموال)