Kanz al-Ummal: Hadith 35751

35742 ۔۔۔ ابن عباس (رض) سے روایت ہے کہ میں نے عمر (رض) سے پوچھا آپ کا نام فاروق رکھنے کی وجہ کیا ہے فرمایا حمزہ (رض) مجھ سے تین دن پہلے مسلمان ہوئے پھر اللہ تعالیٰ نے میرے دل کو اسلام کے لیے کھول دیا میں نے کہا اللہ لاالہ الا ھوالہ اسماء الحسنی تو روئے زمین پر رسول اللہ (صلی اللہ علیہ وآلہ وسلم) سے زیادہ محبوب کوئی شخص نہ رہا میں نے پوچھا رسول اللہ (صلی اللہ علیہ وآلہ وسلم) کہاں ہیں میری بہن نے بتایا وہ داراقم میں ہے جو کوہ صفاء کے دامن میں ہے میں اس گھر میں آیا حمزہ (رض) اپنے ساتھیوں کے ساتھ اس گھر میں بیٹھے ہوئے تھے اور رسول اللہ (صلی اللہ علیہ وآلہ وسلم) بھی میں نے دروازہ کھٹکھٹایا تو لوگ جمع ہوئے حمزہ (رض) نے پوچھا کیوں جمع ہوگئے ہو بتایا باہر عمر بن خطاب ہیں رسول اللہ (صلی اللہ علیہ وآلہ وسلم) کمرہ سے باہر تشریف لائے اور میرا گریبان پکڑا مجھے جھٹکاؤ دیا میں گھنٹوں کے بل گرپڑا فرمایا اے عمرتیرے لیے کیا چیز مانع ہے ؟ میں نے کہا اشھدان لا الہ الا اللہ وحدہ لاشریک لہ واشھد ان محمدا عبدہ رسولہ تو گھر میں موجود افراد نے نعرہ تکبیر بلند کیا جس کو مسجد حرام میں بیٹھے ہوئے لوگوں نے بھی سنا میں نے کہا یارسول اللہ ہمیں موت آجائے یا ہم زندہ رہیں ہر صورت میں ہم حق پر ہیں ؟ فرمایا ہاں ضرور قسم ہے اس ذات کی جس کے قبضہ میں میری جان ہے تم حق پر ہو تمہیں موت آئے یا زندگی نصیب ہو میں نے کہا ہم چھپ کر کیوں رہیں ؟ قسم ہے اس ذات کی جس کے قبضہ میں میری جان ہے آپ ضرور باہرنکلا کریں گے ہم نے آپ کو دوصفوں میں نکالا حمزہ ایک صف میں دوسری صف میں اب چلتے ہوئے صفوں سے غبار اڑھ رہے تھے حتی کہ ہم مسجد میں داخل ہوگئے قریش نے میری طرف اور حمزہ (رض) کی طرف دیکھا ان کو سخت غم لاحق ہواجو اس سے پہلے کبھی نہ ہوا تھا اس دن سے رسول اللہ (صلی اللہ علیہ وآلہ وسلم) نے میرا نام فاروق رکھا میرے ذریعہ اللہ تعالیٰ نے حق و باطل کے درمیان فیصلہ فرمایا۔ (حلیب ابن عساکر اس میں ابا ن بن صالح قوی نہیں ہے انہی سے اسحاق بن عبداللہ کی روایت متروک ہے)