Kanz al-Ummal: Hadith 35762

35753 ۔۔۔ ابن عباس (رض) سے روایت ہی کہ میں نے عمر (رض) سے پوچھا کہ آپ کا نام فاروق کس طرح رکھ گیا تو فرمایا حمزہ (رض) مجھ سے تین روز قبل مسلمان ہوتے میں مسجد کی طرف نکلا ابوجہل رسول اللہ (صلی اللہ علیہ وآلہ وسلم) کو زور سے گالیاں دے رہا تھا حمزہ (رض) کو اس کی اطلاع ہوئی تو اپنا کمان لے کر مسجد حرام آئے قریش کے اس حلقہ میں جس میں ابوجہل بھی موجود تھا اپنے کمان پر تکیہ لگاکر ابوجہل کے مدمقابل کھڑے ہوتے ابوجہل نے ان کے غصہ کو بھانپ لیاپوچھا اے ابوامارہ کیا ہوا ؟ کمان اٹھا کر اس کے ایک رخسار پر مارا اس کو خونبہنی لگاقریش نے ان میں صلح کروادی شر کے خوف سے رسول اللہ (صلی اللہ علیہ وآلہ وسلم) رقم بن ابی الارقم مخزورمی کے گھر میں خفیہ طورپرقیام پذیر تھی حمزہ وہاں گئے اور مسلمان ہوگئے اس کے تین دن کے بعد میں اپنے گھر سے نکلا تو فلاں مخزومی سے میری ملاقات ہوئی میں نے کہا کیا تم نے اپنے دین اور اپنے آبائی دین سے اعراض کیا اور دین محمدی کی اتباع کرلی ہے ؟ تو انھوں نے کہا اگر میں نے ایسا کیا ہے تو اس نے بھی کیا جس کا تم پر مجھ سے زیادہ حق ہے پوچھا وہ کون ؟ بتایا تمہاری بہن اور تمہارے بہنوئی میں ان کے گھر پہنچا وہاں کچھ ہلکی آواز سنائی دی میں گھر میں داخل ہوا اور پوچھا یہ کیا ہے ہمارے درمیان بات بڑھتی گئی یہاں تک میں نے اپنے بہنوئی کا سرپکڑ لیا اس کو مار کر لہولہان کردیا میری بہن کھڑی ہوئی اور میرا سرپکڑ لیا اور کہا ایسا ہوا ہے اور تیری مرضی کے خلاف ہوا ہے جب میں نی اس کے چہرے پر خون دیکھا تو مجھے شرم آئی میں بیٹھ گیا اور اس سے کیا یہ کتاب مجھے دکھاؤ اس نے کہا یہ کتاب ایسی ہے کہ اس کو بغیر وضو کے ہاتھ نہیں لگایا جاسکتا میں نے اٹھ کر غسل کرلیا انھوں نے صحفیہ نکالا اس میں ” بسم اللہ الرحمن الرحیم “ تھا میں نے کہا اللہ تعالیٰ کے نام پاکیزہ طیب طہ ماانزلنا علیک القرآن لتشقی سے الا سماء اللہ الحسنی تک اب میرے دل میں عظمت بیٹھ گئی میں نے کہا اسی کلام سے قریش بھاگتے ہیں میں نے اسلام قبول کرلیا میں نے پوچھا رسول اللہ (صلی اللہ علیہ وآلہ وسلم) کہاں ہیں بتایا دارالارقم میں ہیں میں وہاں پہنچا اور دروازہ کھٹکٹایا لوگ جمع ہوگئے ان سے حمزہ (رض) نے کہا تمہیں کیا ہوا ؟ بتایا عمر ہیں تو کہا ان کے لیے دروازہ کھولو اگر اسلام قبول کرلیا تو ہم بھی ان کی طرف سے قبول کرلیں گے اگر روگردانی کی تو ان کو قبل کردیں گے رسول اللہ (صلی اللہ علیہ وآلہ وسلم) نے یہ گفتگو سنی کمرہ سے باہر تشریف لائے میں نے کلمہ شہادت پڑھا تو گھر میں موجود افراد نے اس زور سے نعرہ تکبیر بلند کیا کہ مسجد حرام میں بیٹھے لوگوں نے بھی سن لیا میں نے کہا یارسول اللہ (صلی اللہ علیہ وآلہ وسلم) کیا ہم حق پر نہیں ہیں ؟ فرمایا ضرورحق پر ہیں میں نے کہا پھرچھپ کر کیوں دعوت کا عمل انجام دیں ؟ ہم دوصفوں میں نکلے ایک صف کے آگے میں تھا دوسرے میں حمزہ (رض) اس طرح مسجد حرام میں داخل ہوگئے قریش نے میری طرف اور حمزہ (رض) کی طرف دیکھا ان کو سخت حزن وملال لاحق ہوامیرانام رسول اللہ (صلی اللہ علیہ وآلہ وسلم) نے اس دن سی فاروق رکھا اس دن سے حق و باطل کے درمیان فرق ظاہر ہوگیا۔ (ابونعیم فی الدئل ابن عساکر)