Kanz al-Ummal: Hadith 35768

35759 ۔۔۔ قیس بن حجاج روایت کرتے ہیں اپنے سے حدیث بیان کرنے والے کے حوالہ سے جب عمروبن العاص نے مصر فتح کیا تو بونہ عجمی، مہینہ داخل ہونے کے بعد مصر کے باشندگان ان کی خدمت میں حاضر ہوئے اور کہا کہ اے امیر دریا نیل کی ایک عادت ہے اس کے بغیر یہ نہیں چلتا پوچھا کیا عادت ہے بتایا کہ جب اس مہینہ کی بارہ تاریخ گذر جاتی ہے تو ہم ایک حسین جمیل لڑکی جو اپنے والد کی نظر میں محبوب ہو تلاش کرتے ہیں تو والدین کو مال دے کر راضی کرکے اس کو حاصل کرتے ہیں پھر لڑکی کو پر کے زیورات سے آراستہ کرکے اس دریائے نیل کا حوالے کردیتے ہیں تو عمر (رض) کو کہا اسلام آنے کے بعد اس جاہلانہ ظالمانہ رسم پر عمل نہیں ہوسکتا اسلام اپنے ماقبل کی تمام غلط باتوں کو مٹاتا ہے اب دریا تین مہینے سے خشک ہے اس میں ایک قطرہ پانی نہیں یہاں تک مصر والوں نے انخلاء کا قصد کرلیا تو عمروبن العاص نے اس معاملہ کو دیکھا تو عمربن خطاب (رض) کے پاس خط لکھا تو عمر (رض) نے جواب میں لکھا کہ تم نے درست فیصلہ کیا ان الاسلام یھدم ماکان قبلہ میں آپ کے پاس ایک بطاقہ بھیج رہاہوں جب خط آپ کے پاس پہنچ جائے اس کو آپ دریائے نیل میں ڈال دیں جب خط عمرو بن عاص کے پاس پہنچا تو اس میں لکھا ہوا تھا ۔ من عبداللہ امیر المومنین الی نیل اہل مصر، اما بعد فان کنت تجری من قبلک فلاتجروان کان الواحد القھار یجر یک فسال اللہ الواحد القھاد ان یجریک ۔ یعنی یہ امیرالمومنین عمر (رض) کی طرف سے اہل مصر کے دریائے نیل کے نام ہے حمد و صلوة کے بعد اے دریا اگر تو اپنی مرضی سے چلتا ہے تو تو مت چل اگر تجھے اللہ واحد وقہار چلاتا ہے تو ہم اللہ تعالیٰ واحد وقہار سے درخواست کرتے ہیں کہ تجھے جاری کردیں۔ تو عمر وبن العاص نے یہ خط دریا کے حوالے کیا کا صلیت کے دن آنے سے ایک روز پہلے جب کہ اہل مصرجلاوطنی کے لیے تیار ہوچکے تھے کیونکہ ان کی تمام ضروریات کا مدار دریا نیل تھا جو خشک ہوچکا تو صلیب کے دن صبح اللہ تعالیٰ نے اس کو سولہ فٹ جاری کردیا اس طرح اہل مصر سے اس بری رسم کا خاتمہ کردیا۔ (ابن عبدالحکیم فی فتوح مصروابوالشیخ فی العظمہ ابن عساکر)