Kanz al-Ummal: Hadith 35811

35802 ۔۔۔ ابن شہاب سے منقول ہے کہ عمربن عبدالعزیز نے ابوبکر ابن سلیمان بن ابی حثمہ سے پوچھا اس کی کیا وجہ ہے کہ ابوبکر صدیق (رض) کے زمانہ خلیفہ رسول اللہ (صلی اللہ علیہ وآلہ وسلم) لکھاجاتا تھا عمر (رض) نے اولا خلیفة ابی بکر لکھوایا پھر اس سے امیر المومنین کی طرف پھیر دیا گیا تو انھوں نے بتایا کہ مجھ سے شفاء نے بیان کیا وہ ان کی دادی ہے اور شروع شروع میں ہجرت کرنے والیوں میں سے تھی کہ عمربن خطاب (رض) نے عراق کے گورنر کے پاس خط لکھا کہ میرے پاس دو آدمیوں کو بھیجا جائے جو مضبوط قسم کے ہوں تاکہ ان سے عراق اور اہل عراق خی حالات معلوم کئے جائیں تو عراق کے گورنر نے لبیدبن ربیعہ اور عدی بن حاتم کو بھیجا جب یہ دونوں مدینہ منورہ پہنچے تو انھوں نے اپنی سواریوں کو مسجد کے صحن میں بیٹھا یا پھر مسجد میں داخل ہوئے تو ان کی ملاقات عمروابن العاص سے ہوئی تو دونوں نے کہا اے عمرو آپ امیر المومنین سے ہمارے لیے ملاقات کی اجازت طلب کریں تو عمر (رض) نے فرمایا اللہ کی قسم تم دونوں نے ان کا صحیح نام لیا وہ ہمارے امیر ہیں اور ہم مومنین ہیں پھر عمر (رض) جلدی سے عمر (رض) کے پاس پہنچا اور کہا اسلام علیکم یا امیر المومنین تو عمر (رض) نے کہا اے ابن العاص یہ نام میں جدت کیسے پیدا ہوئی ؟ میرا رب جانتا ہے تم اس کی دلیل بیان کروگے کہا لبید بن ربیعہ اور عدی بن حاتم دونوں آئے اور انھوں نے اپنی سوار مسجد کے صحن میں بیٹھایا پھر میرے پاس آئے اور مجھ سے کہا کہ ہمارے لیے امیر المومنین سے اجازت طلب کریں اللہ کی قسم ان دونوں نے آپ کا صحیح نام لیا ہم مومن ہیں اور آپ ہمارے امیر ہیں اس دن سے یہی لکھا جانے لگا (بخاری نے ادب المفرد میں عساکر نے دلائل میں طبرانی اور حاکم نے نقل کیا)