Kanz al-Ummal: Hadith 3583

3583: جس شخص نے یہ آیات قرآنی پڑھی :
اللہم انت ربی لا الہ الا انت، علیک توکلت وانت رب العرش الکیم، ماشاء اللہ کان وما لم یشا لم یکن ولا حول ولا قوۃ الا باللہ العلی العظیم، اعلم ان اللہ علی کل شیء قدیر وان اللہ احاط بکل شیء علما۔ اللہم انی اعوذبک من شر نفسی، ومن شر کل دابۃ، انت آخذ بنا صیتہا ان ربی علی صراط مستقیم۔
اے پروردگار ! تو میرا رب ہے تیرے سوا کوئی معبود نہیں، تجھی پر میں نے بھروسہ کیا اور تو ہی عرش کریم کا رب ہے، جو اللہ نے چاہا وہ ہوا جو نہیں چاہا محتاج وجود رہا، کوئی بھی طاقت اور قوت اللہ کے بغیر ممکن نہیں جو عالی شان اور عظمت والا ہے، بیشک میں خوب جانتا ہوں کہ اللہ ہر چیز پر قادر ہے، اور اللہ ہی نے ہر چیز کو اپنے علم کے دائرے میں محیط کر رکھا ہے۔ اے اللہ ! میں تیری پناہ چاہتا ہوں اپنے نفس کے شر سے، ہر چلنے والی چیز کے شر سے، جس کی پیشانی کو تو نے پکڑ رکھا ہے، بیشک میرا رب سیدھے راستے پر ہے۔
اس کو شام تک کوئی مصیبت نہیں پہنچ سکتی اور جس نے شام کے وقت یہ کلمات کہے اس کو صبح تک کوئی مصیبت نہیں پہنچ سکتی۔ (الدیلمی عن ابی الدرداء (رض))