Kanz al-Ummal: Hadith 35987

35978 ۔۔۔ اسلم (رض) سے روایت ہے کہ عمر (رض) ایک رات چکر لگا رہے تھے ایک عورت کو دیکھا وہ اپنے گھر میں ہے اس کے گردو و بچے ہیں جورو رہے ہیں چولہے پر ایک پتیلا رکھ کر اس میں پانی بھردیا عمر (رض) دروازہ کے قریب پہنچے اور پوچھا اے اللہ کی بندی یہ بچے کیوں رو رہے ہیں ؟ بتایا بھوک کی وجہ سے رو رہے ہیں اور پتیلا جو چولہے پر رہے اس میں کیا ہے بتایا اس میں پانی ہے تاکہ اس طرح ان کو بہلاؤں اور وہ کھانا سمجھ کر سوجائیں عمر (رض) یہ ماجرا دیکھ کر رو پڑے پھر صدقہ میں آئے ایک بوری لے کر اس میں کچھ آٹا کچھ چوری گھی کھجور کپڑے دارھم ڈالے یہاں تک اس کو بھرلیا پھر فرمایا اسلم اس کو میرے کندھے پر ڈالدو میں نے کہا اے امیر المومنین میں اپ کی طرف سے اٹھاؤں گا فرمایا اے اسلم تیری ماں نہ ہو میں خود اپنے کندھے پر اٹھاؤ نگا اس لیے کہ قیامت کے روز مجھ ہی سے سوال ہوگا۔ اس بوری کو اٹھا کر اس عورت کا گھر پہنچا پتیلا لے کر اس میں کچھ آٹا کچھ چری اور کھجور ڈالی پھر اس کو ہلاتھ سے ملایا پھر چولہے پر رکھ کر آگ پر پھونک مارا میں دیکھ رہا تھا کہ دھواں ان کی ڈاڑھی کے درمیان سے نکل رہا تھا یہاں تک ان کے لیے کھانا تیار کرلیا پھر اپنے ہاتھ سے کھانا نکال کر ان کو کھلایا یہاں تک کہ سیر ہوگئے پھر ان کے سامنے آکر بیٹھ گئے گویا ان کا پہردار ہے مسلسل وہاں بیٹھے رہے تھے بات کرنے سے ڈر لگا اس لیے کچھ نہیں کہا یہاں تک بچے ہنسنے لگے پھر کہنے لگے اسلم تمہیں معلوم ہے کہ میں وہاں کیوں بیٹھا رہا ؟ میں نے کہا نہیں فرمایا میں نے ان کو روتے ہوئے دیکھا تھا مجھے یہ بات اچھی نہیں لگی کہ میں ان کو چھوڑ کر چلاجاؤں یہاں تک کہ ان کو ہنستا ہوا دیکھو جو وہ بجے ہنسنے لگے میرا دل خوش ہوا ۔ (الدینوری وابن شاذان فی مشخیة ابن عساکر)