Kanz al-Ummal: Hadith 36053

36044 ۔۔۔ عمروبن میمون سے روایت ہے کہ جب عمر (رض) کو نیزہ مارا گیا میں ان کے خدمت میں حاضر ہوا مجھے نماز کی صف او ل میں حاضری ہے ان کی ہیبت مانع ہوئی کیونکہ وہ بارعب آدمی تھے لہٰذا میں دوسری صف میں کھڑا ہو عمر (رض) تکبیر تحریمہ سے پہلے صف کو دیکھتے تھے اگر کوئی شخص صف سے آگے نکلا ہوا اس کو پیچھے کرتے اور اگر کوئی پیچھے ہٹا ہوا اس کو صف میں کھڑے کے لیے درہ لگاتے تھے یہی چیز صف اول میں کھڑا ہونے سے میرے لیے مانع ہوئی عمر (رض) متوجہ ہوئے تو ابولؤلؤ نے اس کو تین نیزے مارے میں نے سنا عمر (رض) کہہ رہے ہاتھ پھیلا کر کتے کو پکڑ و اس نے مجھے قتل کردیا ہے لوگ ایک دوسرے میں گھس پڑے ہمیں عبدالرحمن بن عوف نے قرآن کی مختصر ترین سورتوں سے نماز پڑھا دی۔ انا اعطینک الکوثر ، اذاجاء نصر اللہ ان کو اٹھا کر گھر لایا گیا فرمایا اے عبداللہ بن عباس (رض) جا کر لوگوں میں آواز لگائیں کہ امیر المومنین کہہ رہے ہیں تمہارے مشورہ سے ایسا ہوا ہے لوگوں نے کہا معاذ اللہ نہ ہمیں اس کا علم ہے نہ ہمیں اس کی اطلاع ہے فرمایا میرے لیے کوئی معالج تلاش کرو ایک طبیب بلا کر لایا گیا۔ ان سے پوچھا گیا کہ کونسی شراب آپ کو محبوب ہے ؟ فرمایا نبیذ ان کو نبیذ پلایا گیا تو زخم کے ایک سوراخ سے نکل گیا لوگوں نے کہا یہ پیپ نکلا ہے ان کو دودھ پلاؤ تو دودھ پلایا گیا تو زخم سے نکل گیا تو طبیب نے کہا میرے خیال میں شام تک زندہ نہیں رہیں گے جو معاملات کرنا ہے کرلیں۔ تو فرمایا اے عبداللہ بن عمر میرے پاس شانہ کی وہ ہڈی لے آؤ جس میں کل میں نے دادا کی میراث کا مسئلہ لکھا ہے اگر اللہ تعالیٰ کو یہ مسئلہ جاری رکھنا منظور ہو تو جاری رکھیں گے ابن عمر (رض) نے کہا میں اس ومٹادوں گا تو فرمایا نہیں اللہ کی قسم میرے علاوہ کوئی نہیں مٹائے گا تو عمر (رض) نے اپنے ہاتھ سے مٹادیا اس میں دادا کا حصہ بھی تھا پھر فرمایا علی (رض) عثمان (رض) طلحہ (رض) زبیر (رض) عبدالرحمن بن عوف (رض) اور سعد (رض) کو بلاکر لاؤ۔ جب یہ حضرات عمر (رض) کے پاس سے نکلے تو فرمایا اگر یہ کسی بےضررشخص کو اپنا ولی بنالیں تو اللہ ان کو سیدھے راستہ پرچلائے گا تو ابن عمر (رض) نے کہا اے امیر المومنین آپ خود کیوں امیر مقرر فرما نہیں دیتے ۔ تو فرمایا میں اس بات کو ناپسند کرتا ہوں کہ زندگی اور موت کے بعد دونوں حالت میں امارت کا بوجھ برداشت کروں ۔ (ابن سعد والحارث حلیة اولیاء والا لکانی فی السنة و صحیح)