Kanz al-Ummal: Hadith 36058

36049 ۔۔۔ ابوالحویرث سے روایت ہے کہ جب مغیرہ بن شعبہ کا غلام آیا تو ان پر ماہانہ ایک سوبیس درھم کی ادائیگی لازم کی گئی روزانہ چار دراھم وہ بڑا خبیث تھا جب چھوٹے قیدیوں کو دیکھتا تو ان کے سروں پر ہاتھ دھرتا اور روتا اور کہتا کہ عرب نے میرے جگر کھالیاجب عمر (رض) مکہ مکرمہ سے آئے تو ابولولوہ ان کے پاس پہنچے وہ عبداللہ بن زبیر کے کندھے پر سہارالگاکر بازار کی طرف جارہے تھی سامنے جاکر کہا امیر المومنین میرے آقا مغیرہ نے مجھ پر طاقت سے زیادہ ٹیکس عائد کیا ہے عمر (رض) نے پوچھا کتنا ؟ بتایا روزانہ چار دراھم پوچھا کام کیا کرتے ہو بتایا چکی کا اور دیگر اعمال سے خاموشی اختیار کی پوچھا کتنی اجرت پر چکی بناتے ہو اس نے بتایا پوچھا کتنے میں بیچتے ہو اس نے بتایا تو عمر (رض) غنہ نے تفصیلات سن کر فرمایا تم پر ٹیکس کم ہے اپنے مولی کی طرف سے عائد کردہ ٹیکس اداکرو جب واپس جانے لگا تو عمر (رض) نے کہا کیا تم ہمارے لیے کوئی چکی نہیں بناؤ گے تو اس نے کہا میں آپ کے لیے ایسی چکی بناؤں گا کہ شہر والے اس پر باتیں کرتے رہیں گے عمر (رض) اس کی باتوں سے ڈر گئے تو علی (رض) سے پوچھا کہ آپ اس کی باتوں کا کیا مطلب لیتے ہیں ؟ تو فرمایا امیر المومنین اس نے آپ کو دھمکی دی ہے تو عمر (رض) نے فرمایا ہمارے لیے اللہ کافی ہیں مجھے یقین ہوگیا کہ وہ اپنی بات کی انتہائی حد تک پہنچنا چاہتا ہے۔ (رواہ ابن سعد)