Kanz al-Ummal: Hadith 36087

36078 ۔۔۔ ابی رافع سے روایت ہے کہا ابولولوء مغیرہ بن شعبہ کا غلام تھا وہ چکی تیار کیا کرتا تھا مغیرہ (رض) روزانہ ان سے چار دراھم وصول کرتے تھے ۔ ابولؤلؤ نے عمر (رض) سے ملاقات کی اور کہا اے امیر المومنین مجھ پر کرایہ بڑھا دیا ہے آپ ان سے بات کریں کچھ ہلکا کرے عمر (رض) نے فرمایا اللہ تع اللہ یٰ سے ڈر اپنے آقا کے ساتھ حسن سلوک کر عمر (رض) کا ارادہ یہی تھا مغیرہ سے ملاقات کریں تخفیف کے لیے کہے لیکن اس بات سے غلام کو غصہ آیا ان کا عدل و انصاف میرے علاوہ تمام لوگوں کے لیے عام ہے دل میں ارادہ کرلیا عمر (رض) کے قتل کا ایک دودھاری خنجر تیار کیا اس کو دھار لگایا پھر زہر الود کیا پھر ہرمزان کے پاس لایا اور اس سے پوچھا اس کو کیسے پاتے ہو ؟ اس نے کہا تم اس سے جس کو بھی ماروگے قتل کردوگے ابولولوء نے تیاری کی اور فجر کی نماز کے وقت آکر عمر (رض) کے پیچھے کھڑا ہوگیا ۔ عمر (رض) کی عادت مبارکہ تھی جب نماز کھڑی ہو تو فرمائے اقیمو اصفوفکم صفیں سیدھی کرلیں یہ الفاظ کہہ کر فارغ ہوئے تکبیر تحریمہ کیا تو ابولولو نے اچانک خنجر مارا ایک ناف کے نیچے ایک کندھے پر ایک کولہے پر عمر (رض) گرپڑے اور اس نے اپنے خنجر سے تیرہ آدمیوں کو زخمی کیا جن میں سات شہید ہوگئے چھ کو صف سے الگ کرلیا گیا عمر (رض) کو اٹھا کر گھرلایا گیا لوگ مضطرب تھے یہاں تک سورج طلوع ہونے کے قریب ہوگیا عبدالرحمن بن عوف (رض) نے آواز دی ۔ لوگو نماز ادا کرلو لوگ نماز کی طرف دوڑے عبدالرحمن بن عوف (رض) آگے بڑھے اور مختصر ترین سورتوں سے نماز پڑھا دی نماز سے فارغ ہو کر عمر (رض) کے پاس گئے تو پینے کی چیز منگوائی گئی تاکہ زخم کی گہرائی معلوم ہوا نبیذ لایا گیا جیسے ہی اس کو پیاز خم سے باہر نکل گیا معلوم نہ ہوسکا نبیذ ہے یا خون ؟ پھر دودھ لایا گیا وہ بھی زخم سے باہر نکل گیا لوگوں نے کہا اے امیر المومنین آپ پر کوئی حرج نہیں انھوں نے فرمایا اگر قتل میں کوئی حرج ہے تو میں قتل کردیا گیا ہوں لوگ عمر (رض) کی تعریف کرنے لگے اللہ آپ کو جزائے خیر عطاء فرمائے امیر المومنین آپ ایسے اچھے اوصاف کے حامل تھے پھر اللہ تعالیٰ سے مدد طلب کررہے تھے پھر دوسری جماعت آکر اس طرح تعریفیں کرتی رہی تو عمر (رض) نے فرمایا اللہ کی قسم تم میرے بارے میں یہ باتیں کررہے ہو میری تو خواہش یہ ہے کہ میں دنیا سے اس طرح نکل جاؤں کہ میرے ذمہ کسی کا حق باقی نہ رہے بس رسول اللہ (صلی اللہ علیہ وآلہ وسلم) کی صحبت کی برکت میری آخرت کے لیے باقی رہے عبداللہ بن عباس (رض) نے بات کی کہ اللہ کی قسم آپ برابر سرابر نہیں جائیں گے آپ نے جو رسول اللہ (صلی اللہ علیہ وآلہ وسلم) کی صحبت اٹھائی ہے وہ اوروں کی صحبت سے بہت برتر ہے آپ ان کے معاون و مددگار حتی کہ رسول اللہ (صلی اللہ علیہ وآلہ وسلم) کا انتقال ہوا وہ آپ سے راضی تھے پھر آپ صدیق اکبر (رض) کی صحبت میں رہے پھر آپ خودامیر المومنین بنے اور آپ نے امارت کے فریضہ کو انتہائی حسن و خوبی سے انجام دیا اور آپ نے ایسے ایسے عدل و انصاف قائم کئے عمر (رض) ابن عباس (رض) کی گفتگو سے سکون محسوس کررہے تھے فرمایا اے ابن عباس اپنی باتوں کا اعادہ کریں انھوں نے اعادہ کیا تو عمرنے فرمایا تم جو کچھ کہہ رہے ہو اپنی جگہ برحق ہے لیکن میرے دل کی حالت یہ ہے کہ اگر آج مجھے زمین بھر سونا بھی مل جائے اس کو میں اس دن کی ہول ناکی سے بچنے کے لیے فدیہ میں دیدوں گا میں نے چھ آدمیوں کا شوری بنایا ہے عثمان علی ، طلحہ بن عبید اللہ ، زبیر بن عوام ، عبدالرحمن بن عوف مسعد بن ابی وقاص عبداللہ بن عمر (رض) ان کے ساتھ مشیر بنایا وہ شوری کے رکن میں سے نہیں ہوں گے ان میں تین بڑے ہوں گے اور صہیب (رض) کو حکم دیا کہ لوگوں کو نماز پڑھائیں۔ (عبدالرزاق حاکم بیہقی)