Kanz al-Ummal: Hadith 36086

36077 ۔۔۔ جابر (رض) سے روایت ہے کہ جب عمر (رض) کو نیزہ لگاہم ان کے پاس گئے وہ فرما رہے تھے اس شخص کے متعلق فیصلہ کرنے میں جلدی مت کرو اگر میں زندہ بچ گیا تو اپنی رائے پر عمل کروں گا اگر انتقال کرگیا تو معاملہ تمہارے ہاتھ میں ہے لوگوں نے بتایا اے امیر المومنین وہ تو قتل کردیا گیا کاٹ دیا گیا فرمایا انا لللہ وانا الیہ راجعون پھر فرمایا وہ کون تھا ؟ لوگوں نے بتایا ابولولو تو فرمایا اللہ اکبر پھر اپنے بیٹے عبداللہ کی طرف دیکھا اور فرمایا اے میرے بیٹے میں تمہارا کیسا باپ تھا ؟ بتایا بہترین والد فرمایا میں تمہیں قسم دیتا ہوں مجھے نہ اٹھانا تاکہ میرے رخسار زمین سے ملصق رہے یہاں تک مجھے ایسی موت آئے جیسے غلام کو آتی ہے عبداللہ (رض) نے عرض کیا اباجان یہ معاملہ مجھ پر بہت شاق ہے پھر فرمایا اٹھ جاؤ مجھ سے مزید سوال جواب مت کرو وہ کھڑے ہوئے اٹھا کر ان کے رخسار زمین کے ساتھ لگایا پھر فرمایا اے عبداللہ میں تمہیں قسم دیتا ہوں اللہ کے حق اور عمر کے حق کا جب میرا انتقال ہوجائے ۔ مجھے دفن کرنے کے بعد اپنے سر اس وقت تک نہ دھونا یہاں تک عمر گھروالوں کی زمین بیچ کر اسی ہزار بیت المال المسلمین میں جمع نہ کروا دو عبدالرحمن بن عوف جو ان کے سرہانے کھڑے تھے عرض کیا اے امیر المومنین اسی ہزار کی مقدار میں آپ نے اپنے اہل و عیال کو یا آل عمر کو نقصان پہنچایا ہے تو عمر (رض) نے فرمایا مجھ سے دور ہٹ جاؤ اے ابن عوف پھر عبداللہ کی طرف دیکھ کر فرمایا بیٹے میں نے تیس ہزار تو بارہ حج جو اپنے دور میں کئے ان میں اور جو مختلف قاصد ین میں نے شہروں کی طرف بھیجے ان پر خرچ کیا تو عبدالرحمن بن عوف نے کہا اے امیر المومنین آپ خوش ہوجائیں اللہ تعالیٰ کے ساتھ حسن ظن رکھیں کیونکہ ہم سے مہاجرین و انصار میں سے ہر ایک نے مال میں سے اتنا حصہ وصول کرلیا ہے جو آپ نے مال سے وصول کیا اور رسول اللہ (صلی اللہ علیہ وآلہ وسلم) کا انتقال ہوا وہ آپ سے راضی تھے اور بہت سے غزوات میں آپ نے ان کے ساتھ شرکت کی فرمایا اے ابن عوف عمرتو یہی چاہتا ہے کہ دنیا سے اس طرح صاف ہو کر چلا جائے جسے آیا تھا میں چاہتاہوں اللہ تعالیٰ سے اس طرح ملاقات کروں مجھ سے کسی چھوٹے بڑے حقوق کا مطالبہ نہ کرے ۔ (العدنی)