Kanz al-Ummal: Hadith 36145

٣٦١٣٦۔۔۔ ابن مسعود (رض) کی روایت ہے کہ رسول کریم (صلی اللہ علیہ وآلہ وسلم) نے ارشاد فرمایا اے ابوبکر گزشتہ رات میں نے اپنے آپ کو خواب میں ایک کنویں پر دیکھا میں نے اس کنویں سے ایک یا دو ڈول پانی کے نکالے اے ابوبکر پھر تم پانی نکالنے کے لیے آگئے اور تم نے بھی ایک دو ڈول نکالے بلاشبہ تمہارے اندر قدرے کمزوری تھی اللہ تعالیٰ تمہارے اوپر رحم فرمائے پھر عمر آئے اور انھوں نے پانی نکالنا شروع کیا حتیٰ کہ ڈول کی حالت ہی بدل گئی اور لوگوں نے کنویں کا منڈیر ڈھانپ لیا اے ابوبکر اس کی تعبیر دو ۔ حضرت ابوبکر (رض) نے فرمایا : آپ کے بعد امر خلافت کی ذمہ داری میں سنبھالوں گا پھر عمر (رض) سنبھالیں گے آپ (صلی اللہ علیہ وآلہ وسلم) نے فرمایا : فرشتے نے بھی اس کی تعبیر اسی طرح دی ہے۔ (رواہ ابونعیم فی فضائل الصحابۃ وابن عساکر)