Kanz al-Ummal: Hadith 36201

٣٦١٩٢۔۔۔ ھرم بن حارث و اسامہ بن حریم ، مرہ بہری (رض) سے روایت نقل کرتے ہیں کہ ایک دن ہم رسول اللہ (صلی اللہ علیہ وآلہ وسلم) کے ساتھ مدینہ کے راستوں میں سے ایک راستے پر جا رہے تھے آپ نے فرمایا : اس وقت تم کیا کرو گے جب زمین ایک سخت فتنہ کی لپیٹ میں ہوگی اور اس کی شدت بیل کے سینگوں کی طرح ہوگی ؟ صحابہ (رض) نے عرض کیا : یا رسول اللہ ! اس وقت ہم کیا کریں آپ نے فرمایا : اس وقت تم اس شخص اور اس کے ساتھیوں کے ساتھ مل جاؤ راوی کہتے ہیں : میں نے جلدی سے لپک کر اس شخص کو پکڑ لیا اور عرض کیا : یا رسول اللہ ! آپ اس شخص کی بات کر رہے ہیں ؟ فرمایا : جی ہاں اسی کی بات کررہا ہوں چنانچہ وہ حضرت عثمان (رض) تھے۔ (رواہ ابن ابی شیبۃ)