Kanz al-Ummal: Hadith 36260

٣٦٢٥١۔۔۔ نعیم بن ابی ھند کی روایت ہے کہ کوفہ میں لوگوں کے سامنے جب کوئی شخص حضرت عثمان (رض) کا ذکر خیر کرتا لوگ اسے مارتے تھے چنانچہ حضرت علی (رض) نے لوگوں سے فرمایا : ایسا مت کرو بلکہ اسے میرے پاس لیتے آؤ چنانچہ ایک شخص کہنے لگا : حضرت عثمان (رض) کو شہید کیا گیا ہے لوگ اسے پکڑ کر حضرت علی (رض) کے پاس لے آئے اور کہنے لگے یہ شخص کہتا ہے کہ عثمان شہید کیے گئے ہیں حضرت علی (رض) نے اس سے پوچھا : تمہیں یہ کیسے معلوم ہوا اس شخص نے جواب دیا : کیا آپ کو وہ دن یاد ہے جب میں رسول اللہ (صلی اللہ علیہ وآلہ وسلم) کی خدمت میں حاضر ہوا آپ نے مجھے ایک اوقیہ چاندی عطا کی ایک اوقیہ ابوبکر (رض) نے دی ایک عمر (رض) نے اور ایک عثمان نے جب کہ ابوحسن (علی (رض)) کے پاس کچھ نہیں تھا تاہم عثمان (رض) نے مجھے ان کی طرف سے ایک اوقیہ عطا کردی میں نے عرض کیا یا رسول اللہ ! میرے لیے دعا کریں تاکہ اللہ تعالیٰ اس مال میں برکت عطا فرمائے آپ (صلی اللہ علیہ وآلہ وسلم) نے فرمایا : بھلا تمہارے اس مال میں برکت کیوں نہیں ہوگی حالانکہ تمہیں یا تو نبی نے عطا کیا ہے یا صدیق نے یا شہید نے حضرت علی (رض) نے سن کر فرمایا : اس شخص کا رستہ چھوڑ دو ۔ (رواہ الشاشی وابن عساکر)