Kanz al-Ummal: Hadith 36259

٣٦٢٥٠۔۔۔ محمد بن جعفر اپنے آباء سے روایت نقل کرتے ہیں کہ حضرت علی (رض) نے فرمایا : ایک مرتبہ میں نبی کریم (صلی اللہ علیہ وآلہ وسلم) کی خدمت میں حاضر ہوا آپ لیٹے ہوئے تھے اور ٹانگوں کو الگ الگ اوپر کئے ہوئے تھے اور آپ کی رانیں ننگیں تھیں اتنے میں ابوبکر و عمر داخل ہوئے پھر عثمان (رض) نے اجازت طلب کی چنانچہ عثمان (رض) داخل نہیں ہونے پائے تھے کہ نبی کریم (صلی اللہ علیہ وآلہ وسلم) نے کپڑا لٹکا لیا اور رانوں کو ڈھانپ دیا میں نے عرض کیا : میرے ماں باپ آپ پر قربان جائیں یا رسول اللہ ! ہم جماعت کی صورت میں آپ کے پاس موجود تھے آپ نے رانوں کو ڈھانپا نہیں لیکن جونہی عثمان آئے آپ نے رانیں ڈھانپ لیں ارشاد فرمایا : بلاشبہ میں اس شخص سے حیاء کرتا ہیں جس سے فرشتے بھی حیاء کرتے ہیں۔ (رواہ ابن عساکر)