Kanz al-Ummal: Hadith 36267

٣٦٢٥٨۔۔۔ حضرت اسامہ بن زید (رض) کی روایت ہے کہ رسول اللہ (صلی اللہ علیہ وآلہ وسلم) نے مجھے ایک دیگچہ جس میں گوشت تھا دے کر عثمان (رض) کے گھر بھیجا چنانچہ دیکھا کہ عثمان (رض) حضرت رقیہ (رض) کے ساتھ بیٹھے ہوئے ہیں میں نے زوجین کا ان سے اچھا جوڑا کوئی نہیں دیکھا میں کبھی عثمان (رض) کے چہرے کی طرف دیکھتا اور کبھی رقیہ (رض) کی طرف دیکھتا جب میں رسول اللہ (صلی اللہ علیہ وآلہ وسلم) کے پاس واپس لوٹ آیا تو آپ نے فرمایا : کیا تم ان کے پاس داخل ہوئے تھے ؟ میں نے عرض کیا : جی ہاں فرمایا : کیا تم نے ان سے اچھا جوڑا کوئی دیکھا ہے میں نے جواب دیا یا رسول اللہ : نہیں میں کبھی عثمان (رض) کی طرف دیکھتا تھا اور کبھی رقیہ (رض) کی طرف۔ (رواہ البغوی وابن عساکر)