Kanz al-Ummal: Hadith 36268

٣٦٢٥٩۔۔۔ حضرت انس (رض) کی روایات ہے کہ مسلمانوں میں سب سے پہلے اپنے گھر والوں کے ساتھ حبشہ کی طرف حضرت عثمان (رض) نے ہجرت کی ہے چنانچہ عثمان (رض) اپنی بیوی نبی کریم (صلی اللہ علیہ وآلہ وسلم) کی بیٹی کو ساتھ لے کر نکل گئے تھے چنانچہ نبی کریم (صلی اللہ علیہ وآلہ وسلم) کو ان کے متعلق کوئی خبر نہیں ملنے پاتی تھی آپ نے ان کے متعلق خبریں دینی شروع کردیں ایک عورت جس کا تعلق قریش سے تھا وہ حبشہ سے آتی آپ نے اس سے پوچھا ! کہنے لگی : اے ابو القاسم ! میں نے ان دونوں کو دیکھا ہے فرمایا : تم انھیں کس حال میں دیکھا ہے ؟ میں نے انھیں اس حال میں دیکھا کہ عثمان (رض) نے رقیہ (رض) کو گدھے پر سوار کر رکھا تا وہ گدھے کو ہانک رہے تھے اور پیچھے پیچھے چل رہے تھے آپ (صلی اللہ علیہ وآلہ وسلم) نے فرمایا : اللہ تعالیٰ ہی ان کا ساتھی ہے بلاشبہ لوط (علیہ السلام) کے بعد عثمان پہلے شخص ہیں جنہوں نے اپنے گھر والوں کے ساتھ اللہ کی طرف ہجرت کی۔ (رواہ الطبرانی والبیہقی وابن عساکر)