Kanz al-Ummal: Hadith 36274

٣٦٢٦٥۔۔۔ ” ایضاً “ بکر بن مختار بن فلفل اپنے والد سے حضرت انس (رض) کی روایت نقل کرتے ہیں کہ ہم مدینہ میں ایک باغ میں نبی کریم کے ساتھ تھے اتنے میں ایک شخص آیا اور دروازے پر دستک دی آپ (صلی اللہ علیہ وآلہ وسلم) نے فرمایا : اے انس ذرا دیکھو یہ کون ہے میں نے نکل کر دیکھا تو وہ ابوبکر صدیق (رض) تھے میں نے عرض کیا ابوبکر صدیق (رض) میں فرمایا : واپس جاؤ اور دروازہ کھولو اور انھیں جنت کی بشارت دو انھیں یہ بھی خبر دو کہ میرے بعد خلیفہ ہوں گے میں نے آکر ابوبکر (رض) کو خبر کردی پھر ایک اور شخص آیا اور دروازے پر دستک دی اور آپ نے ۔۔۔ دیکھو کون ہے ؟ میں نے آکر دیکھا تو عمر بن خطاب (رض) تھے واپس جا کر میں نے عرض کیا : عمر ہیں فرمایا واپس جاؤ اور دروازہ کو لو اور میں جنت کی بشارت دو انھیں یہ بھی خبر کر دو کہ وہ ابوبکر کے بعد خلیفہ ہوں گے میں نے آکر عمر (رض) کو خبر دی پھر ایک اور شخص نے دروازے پر دستک دی آپ (صلی اللہ علیہ وآلہ وسلم) نے فرمایا : دیکھو یہ کون ہے ؟ میں نے باہر نکل کر دیکھا تو وہ عثمان (رض) تھے میں نے عرض کیا : عثمان ہیں فرمایا : واپس جاؤ اور دروازہ کھولو اور انھیں جنت کی خوشخبری سناؤ اور انھیں یہ بھی بتاؤ کہ وہ عمر (رض) کے بعد خلیفہ ہوں گے اور ان کا معاملہ یہاں تک پہنچے گا کہ ان کا خون بہایا جائے گا اس وقت تم نے صبر کا دامن نہیں چھوڑنا۔ (رواہ ابن عساکر)