Kanz al-Ummal: Hadith 36275

٣٦٢٦٦۔۔۔ ” ایضاً “ عبد الاعلیٰ بن ایما مساور مختار بن فلفل سے حضرت انس (رض) روایت نقل کرتے ہیں کہ ایک دن رسول اللہ (صلی اللہ علیہ وآلہ وسلم) گھر سے باہر تشریف لے گئے میں بھی آپ کے ساتھ تھا آپ انصار کے ایک باغ میں داخل ہوئے میں بھی آپ کے ساتھ داخل ہوگیا آپ (رض) نے فرمایا : اے انس دروازہ بند کر دو ۔ میں نے دروزاہ بند کردیا تھوڑی دیر بعد دروازے پر دستک ہوئی آپ نے فرمایا : اے انس دروازہ کھولو اور آنے والے کو جنت کی خوشخبری دو نیز اسے خبر دو کہ وہ میرے بعد میری امت کا والی ہوگا چنانچہ میں دروازہ کھولنے کے لیے چل پڑا جب کہ مجھے نہیں معلوم تھا کہ وہ کون ہے۔ دروازہ کھولا تو کیا دیکھتا ہوں کہ ابوبکر کھڑے ہیں میں نے انھیں نبی کریم (صلی اللہ علیہ وآلہ وسلم) کے فرمان کی خبر دے دی آپ (رض) کہنے لگے : الحمدللہ پھر باغ میں داخل ہوگئے کچھ دیر بعد دروازے پر پھر دستک ہوئی آپ نے فرمایا : اے انس دروازہ کھولو اور آنے والے کو جنت کی خوشخبری دو اور اسے کہو کہ وہ ابوبکر کے بعد میری امت کا والی ہوگا میں دروازہ کھولنے کے لیے چل پڑا حالانکہ مجھے معلوم نہیں تھا کہ وہ کون ہے دروازہ کھولا دیکھا تو عمر (رض) کھڑے ہیں میں نے انھیں آپ (صلی اللہ علیہ وآلہ وسلم) کے فرمایا ن کی خبر دی آپ نے الحمدللہ کہا اور پھر اندر داخل ہوگئے جو پھر ایک اور شخص آیا اور دروازے پر دستک دی آپ نے فرمایا اے انس اس شخص کے لیے دروازہ کھولو اور اسے جنت کی بشارت دو نیز اسے بتاؤ کہ وہ ابوبکر و عمر کے بعد میری امت کا والی ہوگا اور یہ کہ اسے آزمائش سے دو چار ہونا پڑے گا حتیٰ کہ لوگ اس کا خون بہائیں گے میں دروازہ کھولنے کے لیے چل پڑا مجھے معلوم نہیں تھا کہ یہ کون ہے چنانچہ دیکھا تو وہ عثمان بن عفان (رض) تھے میں نے دروازہ کھولا اور نبی کریم (صلی اللہ علیہ وآلہ وسلم) کے فرمان کی انھیں خبر کردی عثمان (رض) نے الحمدللہ اور اناللہ وانا الیہ راجعون کہا۔ (رواہ ابن عساکر)