Kanz al-Ummal: Hadith 36291

٣٦٢٨٢۔۔۔ سعید بن مسیب کی روایت ہے کہ ایک مرتبہ حضرت عثمان (رض) نے حضرت عبد الرحمن بن عوف پر آواز بلند کردی عبد الرحمن (رض) نے ان سے فرمایا : تم اپنی آواز کیوں بلند کرتے ہو حالانکہ میں بدر میں شریک تھا جب کہ تم شریک نہیں تھے میں نے۔ (حدیبیہ کے موقع پر) رسول اللہ (صلی اللہ علیہ وآلہ وسلم) کے دست اقدس پر بیعت کی اور میں نے (عثمان نے) بیعت نہیں کی سو رسول اللہ (صلی اللہ علیہ وآلہ وسلم) نے مجھے مشرکین کے پاس بھیجا تھا تمہیں اس کا علم بھی ہے جب مجھے تاخیر ہوگئی تو رسول اللہ (صلی اللہ علیہ وآلہ وسلم) نے اپنا دائیاں ہاتھ بائیں ہاتھ پر رکھ دیا اور فرمایا : یہ ہاتھ عثمان بن عفان کا ہے۔ پس رسول اللہ (صلی اللہ علیہ وآلہ وسلم) کا بایاں ہاتھ میرے دائیں ہاتھ سے افضل ہے اور رہا تمہارا یہ کہنا کہ ” تم غزوہ احد میں بھاگ گئے تھے میں نہیں بھاگا سو اس متعلق اللہ تعالیٰ فرمایا ہے :
” ان الذین تولو منکم یوم التقی الجمعان انما استزلھم الشیان ببعض ما کسبوا ولقد عفا اللہ عنم “
بیشک تم میں سے جن لوگوں نے دو جماعتوں کے باہم مقابل ہونے کے دن روگردانی کی تو ان کے بعض اعمال کی وجہ سے شیطان نے انھیں پھیلا دیا البتہ اللہ تعالیٰ نے انھیں معاف کردیا ہے۔
لہٰذا آپ مجھے اس گناہ کے ذریعے کیوں رسوا کر رہے ہیں جو اللہ تعالیٰ نے مجھے معاف کردیا ہے۔ (رواہ البزار وابن عساکر