Kanz al-Ummal: Hadith 36345

٣٦٣٣٥۔۔۔” مسند عثمان “ عبد الملک بن ہارون بن عنترہ اپنے والد و دادا سے روایت نقل کرتے ہیں کہ محمد بن ابوبکر حضرت عثمان (رض) کے پاس داخل ہوئے ان سے حضرت عثمان رضی الہ عنہ نے فرمایا : اے بھیجے ! میں تمہیں اللہ تعالیٰ کا واسطہ دیتا ہوں کیا تمہیں معلوم ہے کہ نبی کریم (صلی اللہ علیہ وآلہ وسلم) نے اپنی دو بیٹیوں کے ساتھ یکے بعد دیگرے میری شادی کرائی پھر آپ (رض) نے فرمایا : اے ابو ایم اے اخوایم کیا عثمان کی شادی کرا دی جائے ؟ اگر ہمارے پاس کوئی لڑکی ہوئی ہم اس کی شادی کرا دیتے میں نے بیعت رضوان چھوڑ دی رسول اللہ (صلی اللہ علیہ وآلہ وسلم) نے اپنا ہاتھ دوسرے پر رکھا اور میرے لیے بیعت کردی اور فرمایا : یہ ہاتھ میرا ہے اور یہ عثمان کا رسول اللہ (صلی اللہ علیہ وآلہ وسلم) کا ہاتھ سے پاکیزہ و افضل تھا ؟ محمد بن ابی بکر نے کہا جی ہاں عثمان (رض) نے فرمایا : میں تمہیں اللہ تعالیٰ کا واسطہ دیتا ہوں کیا تمہیں علم ہے کہ رسول اللہ (صلی اللہ علیہ وآلہ وسلم) نے فرمایا تھا : جو شخص اس باغ کو خرید کر مسجد کا قبلہ درست کرے گا میں اس کے لیے جنت میں باغ کی ضمانت دیتا ہوں محمد بن ابوبکر نے کہا : جی ہاں پھر عثمان (رض) نے کہا : میں تمہیں اللہ تعالیٰ کا واسطہ دیتا ہوں کیا تمہیں علم ہے کہ مسلمان سخت بھوک کا شکار ہوگئے تھے میں نے بہت سارے دسترخواں پھیلائے اس پر روٹیاں ڈالیں پھر گھی اور شہد ڈالا اور سب کچھ ملا دیا یہ پہلا حلوہ ہے جو اسلام میں کھایا گیا ؟ کہا جی ہاں۔ فرمایا : میں تمہیں اللہ تعالیٰ کا واسطہ دیتا ہوں۔ کیا تمہیں معلوم ہے کہ مسلمان سخت پیاسے ہوگئے تھے میں نے بہت بھاری خرچہ برداشت کرکے کنواں کھدوایا پھر وہ کنواں مسلمان پر صدقہ کردیا کمزور قوی سب برابر تھے ؟ کہا : جی ہاں فرمایا : میں تمہیں اللہ تعالیٰ کا واسطہ دیتا ہوں کیا تمہیں معلوم ہے کہ مدینہ سے غلہ ختم ہوگیا حتی کہ لوگ مرنے لگے ہیں بقیع خرقہ کی طرف گیا وہاں پندرہ اونٹ غلے سے لدے کھڑے تھے میں نے انھیں خرید لیا ان میں سے تین روک ہے اور بارہ اونٹ لے کر نبی کریم (صلی اللہ علیہ وآلہ وسلم) کی خدمت میں حاضر ہوا نبی کریم (صلی اللہ علیہ وآلہ وسلم) نے میرے لیے دعا فرمائی کہ جو کچھ تم نے دیا ہے اس میں اللہ برکت کرے اور جو تم نے اپنے لیے رکھ لیا ہے اس میں بھی برکت کرے کہا جی ہاں مجھے علم ہے فرمایا : میں تمہیں اللہ تعالیٰ کا واسطہ دیتا ہوں کیا تمہیں معلوم ہے کہ میں ایک ہزار دینار لے کر رسول اللہ (صلی اللہ علیہ وآلہ وسلم) کی خدمت میں حاضر ہوا اور دینار آپ کی گود میں ڈال دئیے اور میں نے کہا : یا رسول اللہ ! ان سے مدد لیں رسول اللہ (صلی اللہ علیہ وآلہ وسلم) نے فرمایا : اس کے بعد عثمان جو عمل بھی کرے اسے نقصان نہیں پہنچائے گا کہا جی ہاں مجھے معلوم ہے۔ میں تمہیں اللہ تعالیٰ کا واسطہ دیتا ہوں کیا تمہیں معلوم ہے کہ میں رسول اللہ (صلی اللہ علیہ وآلہ وسلم) کے ساتھ حرا، پہاڑ پر تھا اتنے میں پہاڑ ہلنے لگا رسول اللہ (صلی اللہ علیہ وآلہ وسلم) نے پہاڑ پر پاؤں مارا اور فرمایا : اے صراء رک جا تجھ پر یا تو نبی ہے یا صدیق ہے یا شہید ہے اس دن پہاڑ پر رسول اللہ (صلی اللہ علیہ وآلہ وسلم) ابوبکر عمر عثمان علی، طلحہ ، اور زبیر (رض) تھے ؟ محمد بن ابی بکر نے کہا : جی ہاں۔ (رواہ ابن ابی عاصم فی السنۃ)