Kanz al-Ummal: Hadith 36350

٣٦٣٤٠۔۔۔ ” مسند زید بن ارقم (رض) “ ابو طفیل عامر بن واثلہ کی روایت ہے کہ جب رسول اللہ (صلی اللہ علیہ وآلہ وسلم) حجۃ الوداع سے واپس لوٹے راستے میں غدیر خم کے مقام پر پڑاؤ کیا پھر چلنے کے لیے تیار ہوگئے اور فرمایا : یوں لگتا ہے گویا مجھے دعوت دی گئی ہے اور میں نے اسے قبول کرلیا ہے بلاشبہ میں نے تمہارے درمیان دو چیزیں چھوڑی ہیں ان میں سے ایک دوسری سے بڑھ کر ہے کتاب اللہ جو کہ آسمان سے زمین تک کھینچی ہوئی رسی ہے دوسری میری عزت اہل بیت ذرا دیکھنا تم میرے بعد ان دونوں کے ساتھ کیسا معاملہ کرتے ہو ان میں ہرگز تفرقہ نہیں پڑے گا جب تک کہ حوض پر میرے پاس واردنہ ہوجائیں پھر فرمایا : اللہ تعالیٰ میرا مولیٰ ہے اور میں ہر مومن کا ولی ہوں پھر آپ (صلی اللہ علیہ وآلہ وسلم) نے حضرت علی (رض) کا ہاتھ پکڑا اور فرمایا : جس شخص کا میں ولی ہوں علی بھی اس کا ولی ہے یا اللہ ! جو شخص علی سے دوستی رکھے تو بھی اس سے دوستی رکھ اور جو علی سے دشمنی رکھے تو بھی اسی سے دشمنی رکھ۔ میں نے زید (رض) سے کہا : آپ نے خود رسول اللہ (صلی اللہ علیہ وآلہ وسلم) سے یہ بات سنی ہے ؟ انھوں نے جواب دیا، دوحات میں جو شخص بھی تھا اس نے رسول اللہ (صلی اللہ علیہ وآلہ وسلم) کو دونوں آنکھوں سے دیکھا اور دونوں کانوں سے سنا۔ (رواہ ابن جریر)