Kanz al-Ummal: Hadith 36402

٣٦٣٩٢۔۔۔ ” مسند عمر “ ابن عباس (رض) کی روایت ہے کہ عمر بن خطاب (رض) نے فرمایا : علی بن ابی طالب کے ذکر سے رک جاؤ چونکہ میں نے رسول اللہ (صلی اللہ علیہ وآلہ وسلم) کو ارشاد فرماتے سنا ہے کہ : علی میں تین خصلتیں ہیں ان میں سے ہر ایک مجھے ہر اس چیز سے زیادہ محبوب ہے جس پر سورج طلوع ہوتا ہے چنانچہ میں ابوبکر ابو عبیدہ بن الجراح اور رسول اللہ (صلی اللہ علیہ وآلہ وسلم) کے صحابہ (رض) کی ایک جماعت رسول اللہ (صلی اللہ علیہ وآلہ وسلم) کے پاس تھے جب کہ نبی کریم (صلی اللہ علیہ وآلہ وسلم) علی (رض) پر ٹیک لگائے تشریف فرما تھے حتیٰ کہ آپ نے علی (رض) کے کاندھے پر ہاتھ مار کر فرمایا : اے علی ! تو مومنین میں سب سے پہلے اسلام لایا اور سب سے پہلے اسلام قبول کیا تمہارا میرے ساتھ ایسا ہی تعلق ہے جیسا ہارون کا موسیٰ سے۔ جھوٹا ہے وہ شخص جو میری محبت کا دعوی کرتا ہو اور تجھ سے بغض رکھتا ہو۔ (رواہ الحسن بن بدر فیما رواہ الخلفاء والحاکم فی الکنی والشیرازی فی الالقاب وابن البخار)