Kanz al-Ummal: Hadith 36403

٣٦٣٩٣۔۔۔ ضمرہ بن ربیعہ مالک بن انس نافع ابن عمر بن خطاب (رض) کی روایت ہے کہ رسول کریم (صلی اللہ علیہ وآلہ وسلم) نے ارشاد فرمایا : میں جھنڈا ایسے شخص کو دوں گا جو اللہ اور اللہ کے رسول سے محبت کرتا ہے اللہ اور اللہ کا رسول اس سے محبت کرتا ہے وہ بڑھ کر حملہ کرتا ہے بھاگتا نہیں اللہ تعالیٰ اس کے ہاتھ پر فتح نصیب فرمائے گا جبرائیل امین اس کے دائیں طرف ہوں گے اور میکائل (علیہ السلام) اس کے بائیں طرف ہوں گے لوگوں نے امید و شوق کی حالت میں رات گزاری جب صبح ہوئی تو آپ (صلی اللہ علیہ وآلہ وسلم) نے فرمایا : علی کہاں ہے ؟ لوگوں نے کہا یا رسول اللہ ! وہ دیکھ نہیں سکتے فرمایا : اسے میرے پاس لے آؤ جب حضرت علی (رض) آپ کے پاس لائے گئے تو فرمایا : میرے قریب ہوجاؤ حضرت علی (رض) قریب ہوگئے آپ نے ان کی آنکھوں میں تھوک دیا اور اپنے دست اقدس سے پونچھ ڈالیں حضرت علی (رض) آپ کے سامنے سے اٹھ کھڑے ہوئے یوں لگا گویا انھیں آشوب چشم کا مرض لاحق ہی نہیں ہوا۔ (رواہ الدار قطنی والخطیب فی رواہ مالک وابن عساکر)