Kanz al-Ummal: Hadith 36408

٣٦٣٩٨۔۔۔ حضرت علی (رض) کی روایت ہے کہ رسول کریم (صلی اللہ علیہ وآلہ وسلم) نے مجھے یمن بھیجا میں نے عرض کیا : یا رسول اللہ ! آپ مجھے ایسی قوم کے پاس بھیج رہے ہیں جو مجھ سے عمر میں بڑے ہیں اور میں نوجوان ہوں قضاء کی بصیرت نہیں رکھتا آپ نے میرا ہاتھ میرے سینے پر رکھا اور فرمایا : یا اللہ ! اس کی زبان کو ثابت قدم رکھ اور اس کے دل کو ہدایت عطا فرما۔ اے علی ! جب فریقین کے درمیان فیصلہ کرنے بیٹھو اس وقت تک فیصلہ مت کرو جب تک دوسرے کا بیان نہ سن لو جیسا کہ پہلے سے سنا ہے جب تم ایسا کرو گے تمہارے لیے فیصلہ کرنا آسان ہوگا چنانچہ اس کے بعد قضاء کے متعلق مجھے کوئی مشکل پیش نہیں آئی۔ (رواہ الحاکم وابن سعد واحمد بن حنبل والعدنی وابو داؤد والترمذی وقال : حسن وابو یعلی وابن جریر وصححہ وابن حبان والحاکم والبیہقی)