Kanz al-Ummal: Hadith 36410

٣٦٤٠٠۔۔۔ ” ایضاً “ حبہ مزنی کی روایت ہے کہ میں نے حضرت علی (رض) کو منبر پر ہنستے ہوئے دیکھا میں نے اس طرح انھیں ہنستے ہوئے نہیں دیکھا حتیٰ کہ آپ کی ڈاڑھیں بھی دکھائی دینے لگیں پھر فرمایا : مجھے ابو طالب کی بات یاد آگئی چنانچہ ایک مرتبہ میں رسول کریم (صلی اللہ علیہ وآلہ وسلم) کے ساتھ تھا ہم بطن نخلہ میں نماز پڑھنے لگے اتنے میں ابوطالب آئے اور بولے اے بھتیجے تم کیا کر رہے ہو ؟ رسول اللہ (صلی اللہ علیہ وآلہ وسلم) نے انھیں سلام کی دعوت دی وہ بولے : جو تم کہتے ہو اس کے مان لینے میں کوئی حرج نہیں لیکن اس سے میرا مرتبہ کم ہوجائے گا حضرت علی (رض) اپنے والد کی اس بات پر تعجب کرکے ہنسے پھر فرمایا : یا اللہ اس امت میں میں کسی شخص کو نہیں جانتا جس نے تیرے نبی کے علاوہ مجھ سے قبل تیری عبادت کی ہو۔ تین بار یہ بات کہی : میں نے لوگوں سے قبل سات سال نماز پڑھی ہے۔ (رواہ الطبرانی واحمد بن حنبل وابو یعلی والحاکم)