Kanz al-Ummal: Hadith 36430

٣٦٤٢٠۔۔۔ ” مسند براء بن عازب “ ہم ایک سفر میں رسول کریم (صلی اللہ علیہ وآلہ وسلم) کے ساتھ تھے اتنے میں منادی نے اعلان کیا : الصلاۃ جامعۃ ایک درخت کے نیچے رسول اللہ (صلی اللہ علیہ وآلہ وسلم) کے لیے جگہ صاف کی گئی آپ نے ظہر کی نماز پڑھی اور پھر حضرت علی (رض) کو ہاتھ میں پکڑ کر فرمایا : تمہیں معلوم نہیں کہ میں مومنین پر ان کی جانوں سے بھی زیادہ حق رکھتا ہوں ؟ صحابہ (رض) نے عرض کیا : جی ہاں کیوں نہیں۔ پھر فرمایا : تمہیں معلوم نہیں کہ میں ہر مومن پر اس کی جان سے زیادہ حق رکھتا ہوں ؟ صحابہ (رض) نے عرض کیا : جی ہاں کیوں نہیں۔ پھر فرمایا : تمہیں معلوم نہیں کہ میں ہر مومن پر اس کی جان سے زیادہ حق رکھتا ہو ؟ صحابہ (رض) نے عرض کیا : جی ہاں کیوں نہیں پھر فرمایا : تمہیں معلوم نہیں کہ میں ہر مومن پر اس کی جان سے زیادہ حق رکھتا ہو ؟ صحابہ (رض) نے عرض کیا : جی ہاں : کیوں نہیں۔ آپ نے حضرت علی (رض) کا ہاتھ پکڑ کر فرمایا : یا اللہ ! میں جس کا دوست ہوں علی بھی اس کا دوست ہے یا اللہ ! جو علی کو دوست رکھتا ہو تو بھی اسے دوست رکھ جو علی کا دشمن ہو تو بھی اس کا دشمن ہوجا۔ اس کے بعد حضرت عمر (رض) کی حضرت علی (رض) سے ملاقات ہوئی عمر (رض) نے فرمایا : اے علی تجھے مبارک ہو صبح و شام تم ہر مومن مردو ہر مومن عورت کے دوست ہو۔ (رواہ ابن ابی شیبہ)