Kanz al-Ummal: Hadith 36451

٣٦٤٤١۔۔۔ حضرت علی (رض) کی روایت ہے کہ مقام خم میں نبی کریم (صلی اللہ علیہ وآلہ وسلم) ایک درخت کے نیچے تشریف فرما تھے پھر حضرت علی (رض) کو ہاتھ سے پکڑے ہوئے باہر تشریف لائے اور فرمایا : اے لوگو ! تم گواہی نہیں دیتے ہو کہ اللہ تمہارا رب ہے ؟ لوگوں نے کہا : جی ہاں کیوں نہیں فرمایا : کیا تم گواہی نہیں دیتے ہو کہ اللہ اور اللہ کا رسول تمہارے اوپر تمہاری جانوں سے بھی زیادہ حق رکھتا ہے ؟ لوگوں نے عرض کیا : جی ہاں۔ پھر فرمایا : اللہ اور اس کا رسول جس شخص کا دوست ہو علی بھی اس کا دوست ہے میں نے تمہارے اندر دو چیزیں چھوڑی ہیں اگر تم انھیں تھامے رکھو گے کبھی گمراہ نہیں ہوگئے کتاب اللہ اس کا رستہ اس کے ہاتھ میں ہے اور اس کا رستہ تمہارے ہاتھوں میں ہے دوسری چیز میرے اہل بیت۔ (رواہ ابن راھویہ وابن جریر وابن ابی عاصم والمحاملی فی امالیہ واصححہ)