Kanz al-Ummal: Hadith 36452

٣٦٤٤٢۔۔۔ ” مسند عمار “ عمار (رض) کہتے ہیں : میں اور علی (رض) غزوہ ذی العشیرہ میں ایک دوسرے کے رفیق سفر تھے رسول کریم (صلی اللہ علیہ وآلہ وسلم) نے فرمایا : میں تمہیں ایسے دو شخصوں کے بارے میں نہ بتاؤں جو لوگوں میں سب سے زیادہ بدبخت ہیں ؟ ہم نے عرض کیا : یا رسول اللہ ! جی ہاں ارشاد فرمایا : ایک قوم ثمود کا احمیر جس نے اونٹنی کی کونچیں کاٹی تھیں دوسرا وہ شخص جو اے علی ! تمہارے سر پر زخم لگائے گا حتیٰ کہ خون سے تمہاری داڑھی بھیگ جائے گی۔ (رواہ احمد بن حنبل والبغوی والطبرانی والحاکم وابن مرویہ وابو نعیم فی المعرفۃ وابن عساکر)