Kanz al-Ummal: Hadith 36454

٣٦٤٤٤۔۔۔ عمران حصین کی روایت ہے کہ رسول اکرم (صلی اللہ علیہ وآلہ وسلم) نے ایک سریہ روانہ کیا اور ان پر حضرت علی (رض) کو امیر مقرر کیا سریہ کو کافی مقدار میں مال غنیمت ملا علی (رض) نے مال غنیمت سے کچھ لے لیا جسے لوگوں نے اچھا نہ سمجھا۔ ایک روایت میں ہے کہ حضرت علی (رض) نے باندی لے لی تھی چنانچہ لشکر میں سے ایک کے بعد دوسرا لگاتار چار آدمی رسول اللہ (صلی اللہ علیہ وآلہ وسلم) کو بتانے کی غرض سے آئے صحابہ (رض) جب کبھی سفر سے واپس لوٹتے تھے پہلے آپ (صلی اللہ علیہ وآلہ وسلم) کی خدمت میں حاضر ہوتے اور آپ کو سلام کرتے تھے اور آپ کا دیدار کرکے واپس لوٹ جاتے تھے جب سریہ رسول اللہ (صلی اللہ علیہ وآلہ وسلم) کے پاس واپس آیا چار میں سے ایک کھڑا ہوا اور کہا : یا رسول اللہ ! آپ نہیں دیکھتے کہ علی (رض) نے مال غنیمت میں سے ایک باندی لے لی ہے آپ (صلی اللہ علیہ وآلہ وسلم) نے اس سے منہ پھیرلیا دوسرا کھڑا ہو اس نے بھی یہی بات کہی آپ نے اس سے بھی منہ پھر لیا پھر تیسرا کھڑا ہو اس نے بھی یہی بات کی آپ نے اس سے بھی منہ پھیرلیا پھر چوتھا کھڑا ہو تو رسول اللہ (صلی اللہ علیہ وآلہ وسلم) اس کی طرف متوجہ ہوئے آپ کے چہرے اقدس پر غصہ کے اثرات پہنچانے جاسکتے تھے آپ نے فرمایا : تم علی سے کیا چاہتے ہو ؟ علی مجھ سے ہے اور میں علی سے ہوں میرے بعد علی ہر مومن کا ولی ہے۔ (رواہ ابن ابی شیبہ وابن حریر و صحیحہ)