Kanz al-Ummal: Hadith 36453

٣٦٤٤٣۔۔۔ حضرت عمار بن یاسر (رض) کی روایت ہے کہ میں اور علی (رض) غزوہ عشیرہ میں بطن ینبوع کے مقام پر ایک دوسرے کے رفیق سفر تھے چنانچہ جب رسول اللہ (صلی اللہ علیہ وآلہ وسلم) نے یہاں نزول کیا تو ایک ماہ تک ٹھہرے رہے اور اس دوران بنی مدلج اور ان کے خلفاء قبیلے بنی ضمرہ سے صلح کی پھر آپ ان سے رخصت ہوگئے حضرت علی (رض) نے مجھے کہا : اے ابو یفظان ! تمہیں شوق ہے کہ ہم بنی مدلج کے ان لوگوں کے پاس جائیں جو کنواں کھودنے کے کام میں مصروف ہیں ذرا ہم انھیں دیکھیں کہ یہ لوگ کیسے کام کرتے ہیں ؟ ہم ان لوگوں کے پاس آئے تھوڑی دیر انھیں دیکھتے رہے پھر ہمارے اوپر نیند طاری ہوگئی ہم کھجودوں کے درختوں تلے خاکدارسی جگہ پر آگئے ہم اس جگہ سوگئے بخدا ! ہم صرف رسول اللہ (صلی اللہ علیہ وآلہ وسلم) کے قدموں کی چاپ سن کر بیدار ہوئے اس خاکدار جگہ کی وجہ سے ہمارے بدن بھی خاک آلود ہوگئے تھے رسول کریم (صلی اللہ علیہ وآلہ وسلم) نے حضرت علی (رض) سے فرمایا : اے ابو تراب ! چونکہ علی (رض) کے بدن پر تراب (خاک) اٹی پڑی تھی آپ (صلی اللہ علیہ وآلہ وسلم) نے ہمیں کچھ بتایا اور پھر فرمایا میں تمہیں ایسے دو شخصوں کی خبر نہ دوں جو سب سے زیادہ بدبخت ہیں ہم نے عرض کیا : جی ہاں یا رسول اللہ ! آپ نے فرمایا : قوم ثمود کا احیمر جس نے اونٹنی کی کونچیں کاٹی تھیں اے علی دوسرا وہ شخص جو تمہیں یہاں ضرب لگائے گا رسول اللہ (صلی اللہ علیہ وآلہ وسلم) نے حضرت علی (رض) کے سر پر اپنا ہاتھ رکھ کر اشارہ کیا۔ حتیٰ کہ تمہاری یہ جگہ خون آلود ہوجائے گی آپنے حضرت علی (رض) کی داڑھی پر ہاتھ رکھا۔ رواہ ابن عساکر وابن النجار