Kanz al-Ummal: Hadith 36475

٣٦٤٦٥۔۔۔ حضرت علی (رض) کی روایت ہے کہ جب آیت کریم ” وانذر عشیرتک الاقربین “ نازل ہوئی نبی کریم (صلی اللہ علیہ وآلہ وسلم) نے بنی عبد المطلب کو دعوت دی اور ان کے لیے کھانا تیار کیا۔ کھانا اتنا زیادہ نہیں تھا آپ نے فرمایا : اللہ کا نام لے کر برتن کے اطراف سے کھاؤ چونکہ برتن کے درمیان پر برکت نازل ہوتی ہے آپ نے اپنا دست اقدس پہلے رکھا پھر لوگوں نے کھایا حتی کہ سیر ہوگئے پھر آپ نے پانی کا پیالہ پہلے خود پیا پھر لوگوں کو دیا لوگ پانی پی کر سیراب ہوگئے۔ ابو لہب نے کہا۔ تمہیں جادو لے آیا ہے رسول اللہ (صلی اللہ علیہ وآلہ وسلم) نے فرمایا : میں تمہارے پاس ایک پیغام لایا ہوں جو کبھی میں کوئی نہیں لایا میں تمہیں دعوت دیتا ہوں کہ تم گواہی دو ۔۔ میں تمہیں اللہ تعالیٰ اور اس کی کتاب کی طرف بلاتا ہوں لوگوں نے آپ سے نفرت کی اور اٹھ کر چلے گئے آپ نے پھر دوسری مرتبہ لوگوں کو اسی طرح دعوت دی ابولہب نے وہی کچھ کہا جو پہلے کہا تھا آپ نے انھیں دعوت دی اور پھر فرمایا : میرے ہاتھ پر کون بیعت کرے گا جو میرا بھائی میرا دوست اور میرے بعد تمہارا ولی ہوگا ؟ آپ نے اپنا ہاتھ آگے بڑھا دیا۔ میں نے بھی اپنا ہاتھ آگے بڑھا دیا اور عرض کیا میں آپ کے ہاتھ پر بیعت کرتا ہوں اس وقت میں لوگوں میں سب سے چھوٹا تھا اور میرا پیٹ بڑا تھا میں نے اس شرط پر بیعت کیا کہ یہ کھانا میں نے ہی تیار کیا تھا۔ (رواہ ابن مردویہ