Kanz al-Ummal: Hadith 36505

٣٦٤٩٥۔۔۔ حضرت سعد (رض) کی روایت ہے کہ میں رسول اللہ (صلی اللہ علیہ وآلہ وسلم) کو حضرت علی (رض) سے فرماتے ہوئے سنا : تین خصلتیں ہیں کہ ان میں سے ایک بھی میرے لیے ہو وہ دنیا ومافیہا سے زیادہ مجھے محبوب ہے۔ میں نے آپ کو فرماتے سنا تمہارا مقام میرے ہاں ایسا ہی ہے جیسا ہارون کا موسیٰ کے ہاں تھا الآیہ کہ میرے بعد کوئی نبی نہیں ہوگا میں نے آپ کو فرماتے سنا کل میں جھنڈا ایسے شخص کو دوں گا جو اللہ اور اس کے رسول سے محبت کرتا ہے اور اللہ اور اس کا رسول اس سے محبت کرتے ہیں میں نے آپ کو فرماتے سنا : جس شخص کا میں دوست ہوں علی بھی اس کا دوست ہے۔ (رواہ ابن جریر)