Kanz al-Ummal: Hadith 36506

٣٦٤٩٦۔۔۔ عامر بن سعد کی روایت ہے رسول کریم (صلی اللہ علیہ وآلہ وسلم) نے حضرت علی (رض) سے فرمایا : تین خصلتیں ہیں کہ وہ میرے لیے ان میں سے ایک بھی محبوب ہے مجھے سرخ اونٹوں سے زیادہ رسول اللہ (صلی اللہ علیہ وآلہ وسلم) پر وحی نازل ہوئی آپ (صلی اللہ علیہ وآلہ وسلم) نے علی (رض) فاطمہ (رض) اور ان کے دو بیٹوں کو اپنی چادر کے نیچے داخل کیا فرمایا یا اللہ ! یہ میرا خاندان اور اہل بیت ہیں جب رسول اللہ (صلی اللہ علیہ وآلہ وسلم) ایک غزوہ کے لیے روانہ ہوئے تو پیچھے حضرت علی (رض) کو نائب بنایا حضرت علی (رض) نے عرض کیا یا رسول اللہ (صلی اللہ علیہ وآلہ وسلم) آپ نے مجھے عورتوں اور بچوں کے ساتھ چھوڑ دیا ہے۔ رسول اللہ (صلی اللہ علیہ وآلہ وسلم) نے فرمایا : کیا تم راضی نہیں ہو کہ تمہارا میرے ہاں وہی مقام ہو جو ہارون کا موسیٰ کے ہاں تھا۔ الآیہ کہ میرے بعد نبوت نہیں ہوئی اور خیبر کے دن آپ (صلی اللہ علیہ وآلہ وسلم) نے جو فرمایا کہ میں ایسے شخص کو جھنڈا عطا کروں گا جو اللہ اور اس کے رسول سے محبت کرتا ہے اور اللہ اور اس کا رسول اس سے محبت کرتا ہے اللہ تعالیٰ اس کے ہاتھ پر فتح نصیب فرمائے گا چنانچہ مہاجرین اس فضیلت کو حاصل کرنے کے لیے ایک دوسرے سے آگے بڑھنے لگے آپ (صلی اللہ علیہ وآلہ وسلم) نے فرمایا : علی کہاں ہے صحابہ (رض) نے عرض کیا وہ آشوب چشم میں مبتلا ہیں : فرمایا : اسے بلا لاؤ صحابہ علی (رض) کو بلا لائے آپ نے حضرت علی (رض) کی آنکھوں میں تھوکا اور اللہ تعالیٰ نے ان کے ہاتھ پر فتح نصیب فرمائی