Kanz al-Ummal: Hadith 36517

٣٦٥٠٧۔۔۔ ” مسند انس (رض) “ عمرو بن دینار حضرت انس (رض) سے روایت نقل کرتے ہیں ہم رسول اللہ (صلی اللہ علیہ وآلہ وسلم) کے ساتھ ایک باغ میں تھے ہمیں بھونا ہوا ایک پرندہ ہدیہ کیا گیا آپ (صلی اللہ علیہ وآلہ وسلم) نے فرمایا : مخلوق میں سے اپنے محبوب شخص کو میرے پاس لا چنانچہ حضرت علی (رض) تشریف لائے میں نے کہا : رسول اللہ (صلی اللہ علیہ وآلہ وسلم) مشغول ہیں علی (رض) واپس لوٹ گئے پھر تھوڑی دیر بعد دوبارہ لوٹ آئے اور دروازہ کھٹکھٹایا میں نے انھیں پھر واپس کردیا رسول اللہ (صلی اللہ علیہ وآلہ وسلم) نے فرمایا : اے انس تم نے اسے بہت واپس کردیا ہے اب اس کے لیے دروازہ کھول دو میں نے عرض کیا : یا رسول اللہ ! میں چاہتا تھا کہ انصار میں سے کوئی شخص آجائے چنانچہ علی بن ابی طالب (رض) اندر داخل ہوئے اور رسول کریم (صلی اللہ علیہ وآلہ وسلم) کے ساتھ پرندہ کھایا۔ آپ (صلی اللہ علیہ وآلہ وسلم) نے فرمایا : آدمی اپنی قوم سے محبت کرتا ہے۔ (رواہ ابن عساکر وابن النجار)