Kanz al-Ummal: Hadith 36584

٣٦٥٧٤۔۔۔ ” ایضاً “ ہبیرہ بن مریم کی روایت ہے کہ میں نے حضرت حسن (رض) کو خطاب میں فرماتے سنا ہے : اے لوگو ! گزشتہ کل تم سے ایک شخص جدا ہوگیا ہے نہ اولین اس پر سبقت لے سکے ہیں اور نہ ہی آخرین نے اس کا ادراک کیا ہے رسول کریم (صلی اللہ علیہ وآلہ وسلم) انھیں کسی مہم پر بھیجتے تھے اور جھنڈا انھیں عطا کرتے وہ اس وقت واپس لوٹتے جب اللہ تعالیٰ ان کے ہاتھ پر فتح عطاء فرما دیتے جبرائیل امین ان کی دائیں طرف ہوتے اور میکائیل بائیں طرف آپ نے ترکہ میں نہ سونا چھوڑا نہ چاندی بجز سات سو دراہم کے وہ بھی آپ کے عطایا سے باقی بچے تھے آپ نے ان سے ایک خادم خریدنے کا ارادہ کر رکھا تھا۔ (رواہ ابن ابی شیبہ واحمد بن حنبل وابو نعیم وابن عساکر واوردہ ابن جریر من طریق الحسن عن الحسین)