Kanz al-Ummal: Hadith 36715

٣٦٧٠٥۔۔۔ عبد خیز کی روایت ہے کہ میں نے حضرت علی (رض) کو وضو کرایا آپ (رض) نے فرمایا : میں نے رسول کریم (صلی اللہ علیہ وآلہ وسلم) کو اسی طرح وضو کرایا تھا میں نے آپ سے عرض کیا یا رسول اللہ مخلوق میں سب سے پہلے حساب کے لیے کسے بلایا جائے گا ؟ آپ نے فرمایا : اے علی ! میں بلایا جاؤں گا پھر میں رب تعالیٰ کے حضور تھوڑے دیر کھڑا رہوں گا پھر جنت کی طرف دائیں جانب کا حکم ہوگا میں نے عرض کیا : یا رسول اللہ (صلی اللہ علیہ وآلہ وسلم) پھر بلایا جائے گا ؟ پھر ابوبکر صدیق (رض) کو بلایا جائے گا اور وہ بھی اللہ تعالیٰ کے سامنے تھوڑی دیر کھڑے رہیں گے پھر انھیں دائیں جانب جنت کی طرف کا حکم ہوگا میں نے عرض کیا : پھر کسے بلایا جائے گا ؟ فرمایا : پھر عمر (رض) کو بلایا جائے گا اور وہ بھی اللہ تعالیٰ کے سامنے ابوبکر کی طرح کھڑے رہیں گے پھر انھیں بھی دائیں جانب جنت کی طرف حکم ہوگا ؟ میں نے عرض کیا : یا رسول اللہ ! پھر کسے بلایا جائے گا ؟ فرمایا : اے علی ! پھر تمہیں بلایا جائے گا میں نے عرض کیا : عثمان بن عفان کہاں گئے فرمایا : وہ ایسا شخص ہے جسے اللہ تعالیٰ نے حیاء عطا کی ہے میں نے اللہ تعالیٰ سے سوال کیا کہ اسے قیامت کے دن حساب کے لیے پیشی نہ ہوں اللہ تعالیٰ نے اس کے متعلق میری سفارش قبول فرمائی۔ (رواہ السلفی فی انتخاب حدیث الفداء وابن عساکر)