Kanz al-Ummal: Hadith 36773

٣٦٧٦٣۔۔۔ ابن جریج عمر بن دینار سے روایت نقل کرتے ہیں کہ نجالہ تمیمی کہتے ہیں : حضرت عمر بن خطاب (رض) نے مسجد میں ایک لڑکا پایا اس نے اپنی گود میں ایک صحیفہ کھول رکھا تھا جس میں لکھا تھا : نبی مومنین پر ان کی جانوں سے بھی زیادہ حق رکھتا ہے اور وہ مومنین کا باپ ہوتا ہے عمر (رض) نے فرمایا : مٹادو لڑکا بولا : بخدا ! میں نہیں مٹاؤں گا چونکہ یہ ابی بن کعب کے مصحف میں ہے دونوں اٹھے اور حضرت ابی بن کعب کے پاس چلے گئے ابی (رض) نے کہا : میں قرآن میں مشغول رہتا تھا جب کہ آپ بازاروں میں خریدو فروخت میں مشغول رہتے تھے جب کہ آپ کی چادر جو آپ کے کاندھے پر ہوتی تھی اور ابن عجماء کے دروازے کے ساتھ اٹک جاتی تھی عمرو بن دینار کہتے ہیں : حضرت عمر (رض) مجوسیوں سے جزیہ نہیں لینا چاہتے تھے حتیٰ کہ حضرت عبد الرحمن بن عوف (رض) نے گواہی دی کہ رسول اللہ (صلی اللہ علیہ وآلہ وسلم) نے کے ہجر کے مجوسیوں سے جزیہ لیا تھا عمرو بن دینار کہتے ہیں : حضرت عمر (رض) بن خطاب کے حضرت جزء بن معاویہ (رض) احنف بن قیس کے چچا کو خط لکھا وہ عمر (رض) کی وفات سے ایک سال قبل کسی جگہ کے گورنر تھے لکھا کہ جادو گر کو قتل کر اور مجوسیوں کو رمن کے رشتہ سے ردکرو اور انھیں آگ جلانے سے منع کرو۔ فرمایا : ابو بستان کا کیا حال ہے نبی کریم (صلی اللہ علیہ وآلہ وسلم) نے جندب سے فرمایا : جندب اور جندب کیا ہے وہ ایک وار کرتا ہے جس سے حق و باطل میں فرق کرتا ہے یکایک ابو بستان قلعہ کے نچلے حصہ میں ولید بن عقبہ کے پاس کھیل رہے ہیں اور وہ کوفہ کے امیر تھے جبکہ لوگ سمجھتے تھے کہ وہ محل کی فصیل پر ہیں اس پر جندب (رض) نے فرمایا : اے لوگو تمہاری ہلاکت کھیل تو تمہارے ساتھ کیا جا رہا ہے وہ تو محل کے نچے حصہ میں ہے پھر چل پڑے اپنی تلوار لی اور اسے مار دیا۔ (رواہ عبد الرزاق)