Kanz al-Ummal: Hadith 36772

٣٦٧٦٢۔۔۔ ” مسند عمر “ مالک بن اوس کی روایت ہے کہ حضرت علی (رض) نے چار سو دینار لیے اور ایک تھیلی میں ڈال کر غلام سے کہا : یہ ابو عبیدہ بن الجراح کے پاس لے جاؤ پھر تم تھوڑی دیر گھر ہی میں ٹھہرو اور دیکھو کہ وہ کیا کریں گے چنانچہ غلام ابو عبیدہ (رض) کے پاس گیا اور کہا : امیر المومنین کہتے ہیں کہ یہ اپنے کام میں صرف کرلو۔ ابو عبیدہ (رض) بولے : اللہ تعالیٰ امیر المومنین پر رحم فرمائے پھر بولے : اے لڑکی یہ سات دینار فلاں کے پاس لے جاؤ یہ پانچ فلاں کے پاس لے جاؤ حتیٰ کہ اسی طرح سب ختم کر دئیے غلام عمر (رض) کے پاس واپس لوٹ آیا اور انھیں خبر دی غلام نے عمر (رض) کو اس حال میں پایا کہ انھوں نے اسی طرح حضرت معاذ بن جبل (رض) کے لیے بھی دینار تھیلی میں ڈال کر تیار کر رکھے تھے فرمایا اے غلام یہ معاذ بن جبل کے پاس لے جاؤ اور تھوڑی دیر گھر میں ٹھہرو دیکھو کہ وہ کیا کریں گے چنانچہ غلام دینار لے کر حضرت معاذ (رض) کی خدمت میں حاضر ہوا اور عرض کیا آپ یہ دینار اپنی ضرورت میں صرف کریں یہ امیر المومنین نے بھیجے ہیں۔ فرمایا : اللہ تعالیٰ امیر المومنین پر رحم فرمائے اے لڑکی یہ لے جاؤ فلاں کے پاس یا فرمایا فلاں کے گھر میں کچھ دیر بعد معاذ (رض) کی بیوی نمودار ہوئی اور کہا : بخدا ! ہم مسکین لوگ ہیں ہمیں بھی کچھ دی جائیے چنانچہ تھیلی میں صرف دو دینار بچے تھے معاذ (رض) وہ لے کر اپنی بیوی کے پاس چلے گئے غلام واپس لوٹ آیا اور عمر (رض) کو ساری خبر سنائی عمر (رض) سن کر بہت خوش ہوئے اور فرمایا : بلاشبہ یہ صحابہ (رض) آپس میں بھائی بھائی ہیں اور ایک قسم کی عادات کے حاملین ہیں۔ (رواہ ابن المبارک)