Kanz al-Ummal: Hadith 36822

٣٦٨١٢۔۔۔ مسند اسود بن حازم “ ابو احمد نجیر بن نضر، ابو جمیل عباد بن ہشام شامی کہتے ہیں میں نے نبی کریم (صلی اللہ علیہ وآلہ وسلم) کے صحابہ کرام (رض) میں سے ایک شخص کو دیکھا جسے اسود بن حازم بن صفوان بن عرار کہا جاتا تھا میں ان کے پاس اپنے والد کے ساتھ آتا رہتا تھا اس وقت میری عمر چھ سال یا سات سال تھی اسود بن حازم (رض) مکھن کے ساتھ کھجوریں کھاتے تھے چونکہ ان کے منہ میں دانت نہیں تھے وہ کہا کرتے تھے رسول اللہ (صلی اللہ علیہ وآلہ وسلم) کے ساتھ غزوہ حدیبیہ میں شریک ہوا ہوں اس وقت میری عمر تیس سال تھی اسود بن حازم (رض) سے پوچھا گیا : اب آپ کی کیا عمر ہے ؟ فرماتے اب میری عمر ایک سو پچپن سال ہے۔ (رواہ ابن مندہ وابو نعیم قال فی الاصابۃ اسنادہ ضعیف جدا)