Kanz al-Ummal: Hadith 36825

٣٦٨١٥۔۔۔ حضرت اسید بن حضیر (رض) کی روایت ہے کہ انھوں نے عرض کیا : یا رسول اللہ (صلی اللہ علیہ وآلہ وسلم) آج رات میں سورت بقرہ کی تلاوت کررہا تھا یکایک میں نے اپنے پیچھے گرنے کی آواز سنی میں سمجھا میرا گھوڑا جاتا رہا۔ نبی کریم (صلی اللہ علیہ وآلہ وسلم) نے فرمایا : اسے ابوعتیک تلاوت کرتے رہو، اسید (رض) نے عرض کیا : میں نے پیچھے جو مڑ کر دیکھا کیا دیکھتا ہوں کہ روشن چراغ کی مانند کوئی چیز آسمان اور زمین کے درمیان لٹکی ہوئی ہے میں مزید تلاوت نہ کرسکا رسول اللہ (صلی اللہ علیہ وآلہ وسلم) نے فرمایا : یہ فرشتے تھے جو سورت بقرہ کی تلاوت پر نازل ہوئے تھے ، اگر تم تلاوت جاری رکھتے بہت سے عجائب دیکھتے۔ (رواہ ابن حسان والطبرانی والحاکم والبیہقی فی شعب الایمان)