Kanz al-Ummal: Hadith 37316

٣٧٣٠٥۔۔۔ عامر شعبی کی روایت ہے کہ حضرت عباس (رض) حضرت عمر (رض) کی بہت عزت کرتے تھے عباس (رض) نے کہا اے امیر المومنین ! مجھے بتائیں اگر آپ کے پاس موسیٰ (علیہ السلام) کا چچا اسلام قبول کرکے آجائے آپ اس کے ساتھ کیا کریں گے ؟ عمر (رض) نے جواب دیا : اللہ کی قسم میں اس کے ساتھ احسان و بھلائی کروں گا۔ عباس (رض) نے کہا : میں محمد (صلی اللہ علیہ وآلہ وسلم) کا چچا ہوں۔ عمر (رض) نے کہا : اے ابوالفضل تمہاری کیا رائے ہے ؟ اللہ کی قسم آپ کا باپ مجھے اپنے باپ سے زیادہ محبوب ہے، کہا : اللہ میں جانتا ہوں کہ وہ رسول اللہ (صلی اللہ علیہ وآلہ وسلم) کو میرے باپ سے زیادہ محبوب تھا میں اپنے محبوب پر رسول اللہ (صلی اللہ علیہ وآلہ وسلم) کے محبوب کو ترجیح دیتا ہوں۔ (رواہ ابن سعد)