Kanz al-Ummal: Hadith 37641

٣٧٦٢٨۔۔۔ ام سلمہ اللہ عنہا کی روایت ہے کہ رسول کریم (صلی اللہ علیہ وآلہ وسلم) ان کے پاس تھے اتنے میں خادمہ آئی اور بولی : علی فاطمہ (رض) دروازے پر کھڑے ہیں۔ آپ نے فرمایا : میرے اہل بیت کے لیے ذرا الگ ہوجاؤ میں اٹھ کر گھر کے ایک کونے میں چلی گئی علی فاطمہ حسن اور حسین (رض) اندر داخل ہوئے حسن و حسین (رض) کو آپ نے گود میں بٹھایا ایک ہاتھ سے علی (رض) کو پکڑا اور اپنے ساتھ چمٹالیے دوسرے ہاتھ سے فاطمہ (رض) کو پکڑا اور اپنے ساتھ چمٹالیا اور انھیں بوسہ دیا اور اپنی سیاہ چادر ان پر ڈال دی پھر فرمایا : یا اللہ ! ان کا ٹھکانا اپنے پاس رکھنا نہ کہ دوزخ میں میں اور میرے اہل بیت کا مرجع تیری طرف ہے میں نے آواز دی : یارسول اللہ ! میں بھی فرمایا : اور تو بھی۔ (رواہ ابن ابی شیبۃ)