Kanz al-Ummal: Hadith 37815

٣٧٨٠٢۔۔۔ حضرت جابر (رض) کی روایت ہے کہ خیبر کے موقع پر رسول اللہ (صلی اللہ علیہ وآلہ وسلم) کے پاس صفیہ (رض) لائی گئیں آپ کے سامنے دو شخص بھی لائے گئے ان میں سے ایک صفیہ (رض) کا خاوند تھا اور دوسرا بھائی تھا الخ چنانچہ شب زفاف کو حضرت ابوایوب (رض) نے آپ کے خیمہ کے اردگرد چکرلگاتے ہوئے رات گزاری جب رسول اللہ (صلی اللہ علیہ وآلہ وسلم) نے قدموں کی چاپ سنی ، فرمایا : یہ کون ہے ؟ جواب دیا : میں خالد بن زید ہوں رسول اللہ (صلی اللہ علیہ وآلہ وسلم) ان کے پاس آئے اور فرمایا : یہاں کیسے آنا ہوا ؟ عرض کیا : میں رات بھر سویا نہیں ہوں مجھے خوف تھا کہیں اس عورت کی وجہ سے آپ کو کوئی تکلیف نہ پہنچائے آپ نے ابوایوب (رض) کو واپس چلے جانے کا حکم دیا اور واپس چلے گئے۔ (رواہ ابن عساکر)